Offer ymchwil

Hwb Ymchwil Bioddelweddu

Mae’r Hwb Ymchwil Bioddelweddu yn darparu'r offer delweddu digidol ac arbenigedd technegol diweddaraf ar gyfer archwilio samplau biolegol.

Mae’r Hwb yn cynnig y gwasanaethau technegol canlynol: ffotograffiaeth ddigidol, delweddu macrosgopeg, technegau microsgopeg confensiynol (maes llachar, maes tywyll, gweddgyferbyniaeth, cyferbyniad ymyrraeth wahaniaethol, golau polar, ac epifflworoleuedd), sganio sleidiau cyfan, a microsgopeg sganio laser cydffocal tra-fanwl.

Offer

Enw	Brand/model	Manylion
Microsgop sganio laser cydffocal gyda gallu cyd-raniad tra-fanwl	Microsgop cydffocal unionsyth Zeiss LSM880 gyda Airyscan	System gydffocal sganio cyflym diweddaraf, tra-fanwl ar gyfer delweddu sbectrosgopeg cydberthyniad fflworoloeuedd (FCS) a delweddu oes fflworoleuedd (FLIM).
System ddelweddu celloedd byw amlfodd ar gyfer microsgopeg cydffocal tra-fanwl, confensyniol a mewnbwn uchel.	Microsgop awtomataidd Zeiss Cell Discoverer 7	Mae microsgop Zeiss Cell Discoverer 7 yn system ddelweddu awtomataidd integredig sy’n gallu dadansoddi pob math o samplau, o gelloedd byw i organebau model bychain, trwy dechnegau dadansoddi cydffocal aml-ddimensiwn tra-fanwl, aml-fformat, mewnbwn uchel. Mae iddo reolaeth amgylcheddol llawn ar gyfer delweddu celloedd byw ac yn addas ar gyfer rhaglenni sgrinio amlbeth, recordio treigl amser ynghyd â phrofion trin delweddau.
Zeiss Lightsheet Z.1	Zeiss Lightsheet Z.1	System ‘barod i fynd’ wedi’i hintegreiddio’n llawn ar gyfer microsgopeg fflworoleuol haen olau gyda rheolaeth amgylcheddol.
Microsgop Cydffocal Disg Troelli	Microsgop gwrthdro modurol Olympus IX71	Delweddydd cydffocal Crest Optics X-Light V2; Banc laser tair llinell Cairn Research (405nm; 488nm; 561nm); camera digidol Hamamatsu ORCA Flash 4 CMOS gyda holltydd delwedd M-View Gemini
Microsgop sganio laser cydffocal gyda stand gwrthdro	System gydffocal Leica TCS SP2 AOBS	Mae’r system SP2 yn cynnwys microsgop gwrthdro (Leica DMIRE2) gyda system reolaeth amgylcheddol Solent Scientific ar gyfer delweddu celloedd byw.
System Gloywi Meinweoedd X-CLARITY	Logos Biosystems X-CLARITY	Mae’r system glanhau meinweoedd X-CLARITY yn gasgliad o systemau awtomataidd ac adweithyddion parod i’w defnyddio i lanhau meinweoedd biolegol i’w paratoi ar gyfer rhaglenni delweddu.
System ddelweddu bioymoleuedd/fflworoleuedd aml-donfedd	Biospace Lab PhotonIMAGER Optima	System ddelweddu optegol, amser real (bioymoleuedd a fflworoleuedd) ar gyfer astudiaethau cinetig ac arbrofion arhydol o systemau/modelau synthetig a meinweoedd byw.
Gweithfan Cyfrifiadur Imaris	Bitplane Imaris 9.9 for Cell Biologists	Gweithfan cyfrifiadur sy’n rhedeg Imaris 9.9 for Cell Biologists.
Dyrannydd-micro laser Zeiss PALM MicroBeam	Dyrannydd-micro laser Zeiss PALM MicroBeam	Microsgop Zeiss Axio Observer wedi’i fotoreiddio’n llawn gyda delweddu maes llachar ac epifflworoleuedd. Dyfais casglu awtomataidd RoboMover. Laser 355nm cyflwr solet amledd triphlyg. Camera digidol Zeiss AxioCam.
Microsgop ymchwil unionsyth wedi’i awtomeiddio’n llawn	Microsgop Olympus BX61 gyda chamera digidol Hamamatsu ORCA Spark	Addas ar gyfer delweddu maes llachar, cyferbyniad ymyrraeth gwahaniaethol ac epifflworoleuedd. Mae’r system wedi’i fotoreiddio’n llawn gyda llwyfan symudol sy’n caniatáu caffael cyfresi data delweddau 3D.
Microsgop ymchwil amlfodd unionsyth	Olympus BX40 gyda chamera digidol Hamamatsu ORCA Spark	Addas ar gyfer delweddu maes llachar, maes tywyll, gweddgyferbyniol ac epifflworoleuedd.
Microsgop ymchwil unionsyth	Olympus BX50	Addas ar gyfer delweddu maes llachar ac epifflworoleuedd.
Microsgop fflworoloeuedd gwrthdro ar gyfer delweddu aml-fformat	Microsgop gwrthdro Olympus IX71 gyda chamera digidol Hamamatsu ORCA Spark	Addas ar gyfer archwilio epifflworoleuedd (RGB) a gweddgyferbyniol o gelloedd a meinweoedd byw neu sefydlog ar sleidiau, dysglau petri a phlatiau aml-bant.
Microsgop unionsyth ar gyfer microsgopeg maes llachar ac epifflworoleuedd	Microsgop maes llachar ac epifflworoleuedd Leica DMLB	Addas ar gyfer dadansoddiad histolegol a dadansoddiad epifflworoleuedd amlsianel (RGB) o samplau meinwe ar sleidiau.
Microsgop unionsyth maes llachar	Microsgop Leica DMRB maes llachar	Addas ar gyfer microsgopeg cyffredinol maes llachar.
Microsgop Sganio Sleidiau	System Sganio Sleidiau Objective Imaging Surveyor	Mae’r microsgop yn gallu sganio sleidiau cyfan a delweddu mosaic o doriadau histolegol dan olau maes llachar.
Microsgop sganio sleidiau mewnbwn uchel wedi’i awtomeiddio	System Sganio Sleidiau Olympus VS200	Mae’r microsgop yn medru cynnal gwaith sganio mewnbwn uchel a phwytho sleidiau cyfan o doriadau meinwe histolegol yn awtomatig gan ddefnyddio dulliau goleuo maes llachar, gweddgyferbyniol, maes tywyll, polar ac epifflworoleuedd aml-blecs (DAPI, FITC, Cy3 a Cy5).
System chwyddo aml-ddelwedd	System Olympus SZX12 chwyddo stereo	Yn addas ar gyfer delweddu maes llachar ac epifflworoleuedd o samplau bychain megis mowntiau cyfan, platiau meithriniad, jelïau neu thoriadau meinwe mawr.
System Ddelweddu Chwyddo Macro	System Ddelweddu Chwyddo Macro	Addas ar gyfer gwaith delweddu maes golau llachar o samplau bychain megis mowntiau cyfan, platiau meithriniad, jelïau neu thoriadau meinwe mawr.
Argraffydd 3D Ultimaker 3 Extended	Argraffydd 3D Ultimaker 3 Extended	Argraffydd 3D sydd yn dyddodi haenau o blastid (LPD); maes gweithio o 215 x 215 x 300mm; cydraniad argraffu 20-200 micron. Meddalwedd Z-Suite sy’n derbyn ffeiliau .stl obj, .dxf a .3mf.
Fflworosbectromedr Nano Drop 3300 Thermo Scientific	Fflworosbectromedr Nano Drop 3300 Thermo Scientific	Fflworosbectromedr cyfaint micro; Tri deuod golau (LED): Uchafswm cyffroad: Uwch-fioled: 365nm; Glas: 470nm; Gwyn; 460-650nm; Cydraniad sbectrol: 8nm; Amser mesur: 2-10 eiliad
Ffotograffiaeth Ddigidol	Nikon D90 SLR ddigidol	Mae’r Nikon D90 yn addas ar gyfer ffotograffiaeth gyffredinol neu ddelweddu macro.