Partneriaethau Addysg
Rydym yn gweithio gydag ystod eang o bartneriaid, gan gynnwys cyflogwyr, sefydliadau, a sefydliadau addysgol, yn y DU a thramor er mwyn galluogi ein myfyrwyr i ennill ystod eang o brofiad mewn gwahanol leoliadau.
Ein polisi
Mae ein polisi partneriaethau addysgyn darparu fframwaith ar gyfer datblygu, rheoli a goruchwylio'r holl drefniadau partneriaeth addysg. Fe'i datblygwyd o amgylch set glir o egwyddorion ac mae'n cyd-fynd â'n gweithdrefn cymeradwyo rhaglenni.
Rydym yn defnyddio dull sy’n seiliedig ar risg o reoli ein holl drefniadau partneriaeth addysg, gan sicrhau ein bod yn parhau i gydymffurfio â Chôd Ansawdd Addysg Uwch y DU, cyngor a chanllawiau perthnasol yr QAA, a’r Safonau a Chanllawiau Ewropeaidd ar gyfer sicrhau ansawdd mewnol yn y Maes Addysg Uwch Ewropeaidd. (ESG).
Ein tacsonomeg
Mae pob partneriaeth addysg – o ddarparwyr lleoliadau i sefydliadau addysgol sy’n cyflwyno rhan neu’r cyfan o’n rhaglenni a addysgir – yn cael eu gwerthuso’n drylwyr yn unol â lefel y risg a adlewyrchir yn ein tacsonomeg partneriaeth addysg. Mae’r dull hwn sy’n seiliedig ar risg yn ein galluogi i asesu a gwerthuso’r partner, a’u gallu i gyflwyno’r ddarpariaeth addysg, a sicrhau bod safonau academaidd a phrofiad myfyrwyr yn cael eu diogelu.
Amlinellir y prif fathau o bartneriaethau addysg isod:
Partneriaethau addysg a addysgir
Partneriaethau addysg a addysgir yw unrhyw drefniant sy’n arwain at ddyfarniad Prifysgol Caerdydd (neu ddyfarniad o gredyd sefydliadol) lle caiff ei gyflwyno, ei asesu neu ei gefnogi mewn partneriaeth rhwng Prifysgol Caerdydd ac un neu fwy o sefydliadau partner.
Mae'r holl drefniadau partneriaeth addysg yn cael eu cofnodi ar ein cofrestr partneriaethau addysgsy'n cael ei hadolygu'n gylchol gan Is-bwyllgor y Bartneriaeth Addysg.
Partneriaethau cyfnewid rhyngwladol ac astudio dramor
Mae astudio dramor a phartneriaethau cyfnewid rhyngwladol ar ffurf blwyddyn ychwanegol o astudio gyda chredydau mewn sefydliad addysg uwch arall, y tu allan i’r DU, lle mae’r astudiaeth yn rhan annatod o raglen Prifysgol Caerdydd (120 credyd ychwanegol).”
Mae manylion ein hastudiaeth dramor a threfniadau partneriaeth cyfnewid rhyngwladol gyda sefydliadau addysg uwch eraill yn cael eu rheoli gan ein Tîm Cyfleoedd Byd-eang.
Lleoliadau Gwaith
Diffinnir lleoliad fel dysgu trwy waith, dysgu ar gyfer gwaith a/neu ddysgu yn y gwaith. Mae'n cynnwys cyfleoedd strwythuredig dilys ar gyfer dysgu sy'n cael eu cyflawni mewn lleoliad yn y gweithle neu sydd wedi'u cynllunio i ddiwallu angen a nodwyd yn y gweithle.
Rydym yn hwyluso lleoliadau â chredydau mewn nifer o ffyrdd gan gynnwys blwyddyn neu semester lleoliad ychwanegol; modiwl lleoliad; a, lle bo'n briodol, lleoliad wedi'i integreiddio o fewn modiwl.
Cytundebau dilyniant a chydweddu
Mae cytundebau dilyniant a chydweddu yn chwarae rhan allweddol mewn cefnogi recriwtio effeithiol o gorff myfyrwyr amrywiol, amlddiwylliannol, ymwybodol yn fyd-eang ac o ansawdd uchel.
Mae pob cytundeb yn amlinellu’r trefniadau pwrpasol ar gyfer mynediad at ddechrau rhaglen gymeradwy Prifysgol Caerdydd (dilyniant) neu i gam uwch rhaglen (cydweddu).
Trosolwg sefydliadol
Mae ein his-bwyllgor partneriaeth addysg yn goruchwylio'r holl drefniadau partneriaeth addysg. Mae hyn yn cynnwys craffu a, lle bo'n briodol, cymeradwyo cytundebau ar gyfer darpariaeth addysg newydd a/neu bresennol gyda phartneriaid. Mae'r is-bwyllgor yn sicrhau bod adolygiad cylchol o'r holl ddarpariaeth bartneriaethau a threfniadau llywodraethu addysg cysylltiedig a amlinellir yn y Rheoliadau Academaidd a pholisïau a gweithdrefnau cysylltiedig.
Polisi Darpariaeth Gydweithredol
Rydym yn gweithio gydag ystod eang o bartneriaid, gan gynnwys cyflogwyr, sefydliadau, a sefydliadau addysgol, yn y DU a thramor er mwyn galluogi ein myfyrwyr i ennill ystod eang o brofiad mewn gwahanol leoliadau.
Os na all eich meddalwedd gynorthwyol ddarllen y ddogfen hon, gallwch chi ofyn am fersiwn hygyrch drwy ebostio web@caerdydd.ac.uk. Cynhwyswch yr adnoddau cynorthwyol a ddefnyddiwch chi a’r fformat sydd ei angen arnoch.
Cysylltu
Am ragor o wybodaeth, cysylltwch â: