Datblygu proffesiynol

Microbïom y perfedd mewn iechyd a chlefyd: darn coll o'r jig-so (ar-lein)

Mae gan microbïom y perfedd y potensial i newid arfer clinigol yn y dyfodol o ran rhagfynegi clefydau, atal clefydau a rheoli clefydau ac mae'n chwarae rhan hanfodol mewn sawl agwedd ar iechyd.

Bydd y cwrs hwn yn cynnig y wybodaeth ddiweddaraf sy'n seiliedig ar dystiolaeth am rôl y microbïom mewn llawer o gyflyrau a welir mewn gofal sylfaenol.Bydd hefyd yn cynnwys sesiwn ar drawsblaniad microbïom ysgarthol gan gastroenterolegydd o Gymru.

Nid oes unrhyw ddyddiadau ar y gweill

Ar hyn o bryd, nid oes dyddiadau ar gael cyn bo hir ar gyfer y cwrs hwn, ond gallwch chi fynegi eich diddordeb. Byddwn ni mewn cysylltiad pan fydd dyddiad newydd ar gyfer y cwrs wedi cael ei drefnu.

Enw cyntaf *

Cyfenw *

Cwmni

Cyfeiriad ebost *

Nifer y bobl sy'n mynychu

A hoffech dderbyn y newyddion diweddaraf am y cwrs hwn, yn ogystal â newyddion, digwyddiadau a chynigion CPD?

Hoffwn, yn Saesneg

Hoffwn, yn Gymraeg

Hysbysiad am breifatrwydd a diogelu data

Bydd Prifysgol Caerdydd yn prosesu’r data personol a ddarparwyd gennych yn unol â rheoliadau diogelu data. Drwy gyflwyno eich manylion, rydych yn caniatáu i’r Brifysgol brosesu eich data personol er mwyn anfon gwybodaeth atoch, yn unol â’r dewisiadau a nodwyd gennych uchod a rheoliadau diogelu data. Cewch newid eich meddwl ynglŷn â rhoi caniatâd ar unrhyw adeg drwy gysylltu â’r Tîm Datblygiad Proffesiynol.

Ewch i’n tudalennau gwybodaeth gyhoeddus i gael rhagor o wybodaeth am ein Polisi Diogelu Data, eich hawliau, a sut i fynegi pryder ynghylch sut y caiff eich data bersonol ei brosesu.Gallwch gysylltu â’n Swyddog Diogelu Data yn uniongyrchol - inforequest@caerdydd.ac.uk. Gallwch hefyd fynegi unrhyw bryder drwy gysylltu â Swyddfa’r Comisiynydd Gwybodaeth (ICO).

Ar gyfer pwy mae hwn

Bydd y digwyddiad wedi'i anelu at Feddygon, Meddygon Teulu/ Gastroenterolegwyr/ Nyrsys Gastroenteroleg Arbenigol/ Endosgopyddion/ Patholegwyr a hefyd Gweithwyr Proffesiynol Perthynol i Iechyd (AHP) megis Dietegwyr/ Maethegwyr.

Mae croeso i fyfyrwyr a chynfyfyrwyr Prifysgol Caerdydd a chynigir gostyngiadau iddynt.

Beth fyddwch yn ei ddysgu

cyflwyniad a throsolwg o'r microbïom a’i brif swyddogaethau (yn enwedig mewn imiwnedd a llid)
deall sut mae gan y sylweddau a wneir gan facteria'r perfedd lawer o rolau pwysig mewn iechyd, gan gynnwys rheoli pwysau, rheoli archwaeth, sensitifrwydd i inswlin a lleihau llid
archwilio'r dystiolaeth ddiweddaraf ar gyfer rôl microbïom mewn gordewdra, canser y colon a’r rhefr (CRC), syndrom coluddyn llidus (IBS) a chlefyd seliag (CD)
deall sut y gall y bwyd y mae pobl yn ei fwyta effeithio ar y microbïom
deall yr ymchwil ddiweddaraf a photensial therapiwtig trawsblaniadau microbïom ysgarthol

Pynciau dan sylw

gwybodaeth sy'n seiliedig ar dystiolaeth am rôl y microbïom mewn llawer o broblemau a welir ac a reolir yn gyffredin o fewn gofal sylfaenol (ee: gordewdra, syndrom coluddyn llidus, canser y colon a’r rhefr)
amrywiaeth microbïom mewn syndrom coluddyn llidus, clefyd seliag, sensitifrwydd glwten
rôl bosibl ar gyfer modiwleiddio microbïom wrth gefnogi triniaethau meddygol o'r cyflyrau hyn
ymchwil ar drawsblaniad microbïom ysgarthol ac ystyried ei botensial therapiwtig
pwysigrwydd ffyrdd iach o fyw a rôl ar gyfer cwnsela ffordd o fyw a gofal maeth
ffrwythau a llysiau, ffibr a bwydydd wedi'u heplesu i hyrwyddo amrywiaeth microbïom ac awgrymiadau ymarferol y gellir eu rhoi i gleifion i’w bwyta er mwyn cefnogi iechyd microbïom

Manteision

Rydym yn gobeithio cynnig hwn yn rhan o Ddatblygiad Proffesiynol Parhaus a achredir gyda Cholegau Brenhinol a Phroffesiynau Iechyd Perthynol yn ogystal â Chymdeithas Meddygaeth Ffordd o Fyw Prydain.

Bydd cynrychiolwyr yn cael cyfle i rwydweithio a'r potensial i gydweithio â staff eraill o Brifysgol Caerdydd a staff o sefydliadau addysg uwch eraill

Addysgu a gwybodaeth ddefnyddiol

Bydd y diwrnod astudio ar-lein hwn yn cael ei gynnal ar Zoom, felly bydd angen cyfrifiadur neu dabled a Zoom ar bawb i gymryd rhan. Bydd dolenni i recordiadau a sleidiau yn cael eu cyflwyno hefyd.