Ôl-raddedig a addysgir

Dyfarnwyd statws 'rhagorol' i'n Hysgol am ansawdd ein dysgu a'n haddysgu ac mae llawer o'n staff ymroddedig yn cynnal ymchwil arloesol o gydnabyddir yn rhyngwladol, felly pan fyddwch yn ymuno â ni, byddwch yn elwa o'u harbenigedd a'u cefnogaeth barhaus.

Byddwch hefyd yn gallu manteisio ar ein cyfleusterau o’r radd flaenaf gan gynnwys chwe ystafell ymgynghori newydd eu hadeiladu ar gyfer gweithgareddau sy'n gysylltiedig ag ymarfer fferyllol. Rydym yn ymdrechu i helpu i ddatblygu gyrfaoedd ein myfyrwyr ôl-raddedig ac i wella bywydau cleifion yn y pen draw.

Astudiaeth ôl-raddedig ar gyfer fferyllwyr cymwys

Rydym yn cynnig rhaglenni ôl-raddedig proffesiynol sydd wedi'u datblygu yn unol â'r newidiadau sylweddol yn nhirwedd y proffesiwn fferyllol sy'n gofyn am weithlu sy'n gallu defnyddio amrywiaeth o sgiliau a gwasanaethau clinigol er mwyn gwella budd cleifion a sicrhau’r canlyniadau therapiwtig gorau posibl.

Bydd ein rhaglenni mawr eu gwerthfawrogi yn eich paratoi fel fferyllydd ar gyfer rolau rhagnodi a rheoli clinigol uwch er budd gofal iechyd lle bynnag y byddwch yn dewis ymarfer.

Rhagnodi’n annibynnol gan fferyllwyr

Wedi'i ddylunio i baratoi fferyllwyr i weithio fel Rhagnodwyr Annibynnol, ac i fodloni’r safonau perthnasol a bennwyd gan y Cyngor Fferyllol Cyffredinol (GPhC). Oes diddordeb gyda chi? Tudalen cwrs Dysgwch fwy gan gynnwys sut i wneud cais

Fferylliaeth Glinigol

Rydym yn cynnig cyrsiau ôl-raddedig fferylliaeth glinigol fel cymhwyster allweddol i fferyllwyr ddatblygu eu gyrfaoedd ym mhob sector. Cefnogir y rhaglen gan Gyfarwyddwyr Cyswllt y Cwrs a thiwtoriaid profiadol mewn sefydliadau achrededig.

Dysgwch fwy gan gynnwys sut i wneud cais

Dysgwch fwy am Raglen Hyfforddi Fferyllwyr y Sefydliad Ôl-Gofrestru ar wefan Addysg a Gwella Iechyd Cymru

Os ydych yn fferyllydd dan hyfforddiant yng Nghymru sydd â diddordeb mewn ymgymryd â Rhaglen Fferyllwyr Sylfaen Ôl-gofrestru AaGIC, neu sefydliad cyflogwr sydd â diddordeb mewn cynnig y rhaglen hon, gallwch hefyd lenwi'r FfurflenMynegi Diddordeb

Astudiaeth ôl-raddedig ar gyfer ymarferwyr gofal iechyd eraill a gwyddonwyr biofeddygol

Ochr yn ochr â'n rhaglenni ar gyfer fferyllwyr cymwysedig, mae'r Ysgol yn cynnig cyrsiau ôl-raddedig tra arbenigol ar gyfer ymarferwyr gofal iechyd a myfyrwyr biofeddygol. Mae'r rhaglenni hyn yn rhoi gwybodaeth, dealltwriaeth a hyfforddiant sgiliau uwch i alluogi graddedigion i ddilyn gyrfaoedd yn y sectorau gofal iechyd neu ymchwil a datblygu.

Bioleg a Therapiwteg Canser (MSc)

Diben y cwrs hwn yw rhoi lefel uwch o wybodaeth, dealltwriaeth a sgiliau i chi ym maes bioleg a therapiwteg canser, sy’n prysur ddatblygu. Byddwn ni’n rhoi hyfforddiant eang a helaeth i chi am ganser gan gryfhau eich gobeithion ynghylch dechrau neu gynyddu gyrfa ym maes gofal iechyd a sefydliadau ymchwil y sector cyhoeddus/preifat.

P’un a ydych yn ymbaratoi ar gyfer ymchwil ddoethurol neu ennill cymhwyster uwch, bydd y rhaglen hon i ôl-raddedigion yn rhoi cyfuniad cytbwys i chi o theori ac ymarfer yn ôl natur eich anghenion a’ch gyrfa.

Dysgwch fwy am ein MSc mewn Bioleg a Therapiwteg Canser a sut i wneud cais

Ymchwil Glinigol (MSc)

Os ydych chi’n ymwneud â threialon clinigol, bydd y rhaglen hon yn rhoi lefel uwch o wybodaeth, dealltwriaeth a sgiliau i chi ym maes ymchwil glinigol. Gan ei bod yn rhaglen ddysgu o bell, mae wedi’i llunio i’ch galluogi i’w chwblhau ochr yn ochr â’ch swydd a’ch cyfrifoldebau eraill.

Bydd y cwrs yn cryfhau eich gwybodaeth a’ch sgiliau ym maes ymchwil glinigol ac amrywiaeth helaeth o feysydd therapiwteg eraill. O ganlyniad, byddwch chi’n gallu symud yn hyderus rhwng meysydd therapiwteg i gynyddu’ch gwerth i gyflogwyr. Ym mlwyddyn eich traethawd hir, byddwn ni’n eich annog i gynnal prosiect a fydd o werth uniongyrchol i’ch cyflogwr.

Dysgwch fwy am ein MSc mewn Ymchwil Glinigol a sut i wneud cais