Canolfan Ymchwil Drosi
Mae'r cynnwys hwn ar gael yn Saesneg yn unig.
Mae ein cyfleuster o'r radd flaenaf ar agor i fusnes ar Gampws Arloesedd gwerth £300 miliwn Prifysgol Caerdydd.
Mae'r Sefydliad Lled-ddargludyddion Cyfansawdd (ICS) wedi adeiladu llinell greu 8-modfedd o'r radd flaenaf gerllaw'r Ganolfan Ymchwil Drosi (TRH).
Mae’n rhan o Gampws Arloesedd newydd gwerth £300 miliwn Prifysgol Caerdydd, a bydd yn cyfuno ymchwil flaengar, trosglwyddo technoleg, gwaith datblygu busnes a menter myfyrwyr.
Mae'r ICS wedi sicrhau buddsoddiad o dros £80 miliwn ar gyfer adeilad a chyfarpar newydd, gan gynnwys buddsoddiad o dros £30 miliwn yn allanol. Yn ogystal â’r ystafell lân, a fydd yn 1500 metr sgwâr, bydd mannau nodweddu ac ôl-brosesu pwrpasol, a fydd yn ein galluogi i gynnal gwaith cynhyrchu wafferi CS hyd at 8 modfedd mewn diamedr, o’r dechau i’r diwedd, o dan yr un to, ac i ehangu ein hystod o wasanaethau sy’n cyrraedd safon y diwydiant.
Yn y Ganolfan Ymchwil Drosi (THR) ceir swyddfeydd newydd, mannau gweithio rhyngweithiol, labordai a mannau ar gyfer gweithio mewn grwpiau bach, y cyfan yn llefydd a rennir. Gan alluogi rhagor o gydweithio rhwng ymchwilwyr a gweithwyr proffesiynol y diwydiant, mae TRH yn amgylchedd gwaith sy'n denu ac yn cadw'r unigolion mwyaf talentog.
Mae’r Sefydliad yn rhannu'r Campws Arloesedd â Sefydliad Catalysis Caerdydd, ac Arloesedd Caerdydd@sbarc, canolfan greadigol ar gyfer busnesau newydd. Mae gan y Sefydliad fynediad at gyfleusterau y mae’n ei rannu â’i gymdogion, sy’n cynnwys awditoriwm ar gyfer digwyddiadau yn arddull TEDx a labordy creu i dreialu technolegau gweithgynhyrchu newydd. Mae ein cyfleusterau'n adeiladu ar gryfderau'r Brifysgol wrth ddatblygu dyfeisiau a deunyddiau lled-ddargludyddion, gan ein gwneud yn ganolfan flaenllaw yn y DU ar gyfer technolegau CS.
Cysylltu â ni
I gael rhagor o wybodaeth am ein cyfleusterau, cysylltwch â:
