Rhaglen ysgolheigion gwadd

Mae’r Ysgol Saesneg, Cyfathrebu ac Athroniaeth yn ganolfan ragoriaeth ryngddisgyblaethol sydd ag enw da yn rhyngwladol mewn ymchwil a phrofiad cyfoethog o oruchwylio PhD. Mae ein hysgolheigion yn cymryd rolau blaenllaw wrth drawsnewid eu disgyblaethau priodol, gan gyfrannu at waith ein canolfannau ymchwil amlddisgyblaethol. Rydym yn meithrin amgylchedd cefnogol a chyfeillgar i staff a myfyrwyr, gan annog ein cymuned i osod agendâu a herio meddwl cyfredol.

Rydym yn croesawu ysgolheigion gwadd ac ymchwilwyr ôl-raddedig am unrhyw gyfnod hyd at uchafswm o 12 mis.

Ysgolheigion ar ymweliad

I gymhwyso fel ysgolhaig gwadd, rhaid i chi fod yn gysylltiedig ar hyn o bryd â sefydliad Addysg Uwch rhyngwladol. Sylwch mai rhaglen ymwelwyr yw hon: ni chynigir mentora, goruchwyliaeth na chydweithio â staff academaidd. Disgwylir i ysgolheigion gwadd weithio'n annibynnol yn ystod eu cyfnod ym Mhrifysgol Caerdydd.

Ymchwilwyr ôl-raddedig ar ymweliad

I gymhwyso fel ymchwilydd ôl-raddedig gwadd, rhaid i chi fod yn fyfyriwr sy'n astudio ar gyfer PhD mewn sefydliad arall ar hyn o bryd. Os nad ydych yn dilyn PhD yn eich sefydliad cartref ar hyn o bryd, ni fyddwch yn gymwys. Sylwch mai rhaglen ymwelwyr yw hon; ni chynigir unrhyw oruchwyliaeth ac adborth ar waith.

Efallai y byddwch yn gallu cael mynediad at y cyfleoedd canlynol, yn dibynnu ar argaeledd yn ystod eich ymweliad:

• Cyfleoedd i fynychu modiwlau (gan gynnwys darlithoedd a seminarau) sy'n ymwneud â'ch maes ymchwil (yn dibynnu ar faint dosbarthiadau ac argaeledd)
• Cyfleoedd i fynychu seminarau ôl-raddedig (yn dibynnu ar faint dosbarthiadau ac argaeledd)
• Cyfleoedd i fynychu seminarau ymchwil a gynigir yn yr Ysgol
• Cyfle i gyflwyno papur mewn seminar ymchwil

Byddwch yn cael y canlynol:

• Mynediad i holl gyfleusterau Llyfrgell y Brifysgol
• Mynediad i rwydwaith TG y Brifysgol a gweithfannau mynediad agored
• Cymorth gydag anghenion sefydlu TG cychwynnol

Sut i wneud cais

I gyflwyno cais, gofynnwch am gytundeb cychwynnol gan westeiwr academaidd addas yma yn yr Ysgol (Staff Academaidd - Ysgol Saesneg, Cyfathrebu ac Athroniaeth - Prifysgol Caerdydd) a chwblhewch y ffurflen mynegi diddordeb, gan gynnwys cyflwyno dogfennau atodol.

https://forms.office.com/e/hLhRRjLnNy

Sylwch na fydd ceisiadau digymell yn cael eu derbyn.