Prosiect Profiad yn y Dosbarth

• Ar gael ar gais
• Mwy nag un diwrnod
• Ar gael yn Gymraeg

Mae'r Prosiect Profiad yn y Ddosbarth yn cael ei gynnal gan y Tîm Profiad Gwaith ac mae'n darparu cyfleoedd yn yr ystafell ddosbarth i fyfyrwyr Prifysgol Caerdydd.

Manteision i ysgolion:

• mae disgyblion ac athrawon yn cael cymorth ychwanegol yn yr ystafell ddosbarth
• mae lleoliadau'n hyblyg a gallant gynnwys cymorth cyffredinol gyda gwaith grŵp neu un-i-un, neu gyda phrosiectau pwnc-benodol
• mae ein myfyrwyr yn gweithredu yn fodelau rôl cadarnhaol, gan godi dyheadau ac ysbrydoli disgyblion i ystyried Addysg Uwch

Rydym yn cydnabod mai profiad uniongyrchol mewn amgylchedd yr ystafell ddosbarth yw'r ffordd orau i’n myfyrwyr Prifysgol ddatblygu'r sgiliau a'r profiad sydd eu hangen er mwyn symud ymlaen i gwrs hyfforddiant athrawon neu ddatblygu’r sgiliau perthnasol i ddilyn eu gyrfa.

Caiff myfyrwyr wiriad gwirfoddol, uwch y Gwasanaeth Datgelu a Gwahardd (DBS) ac maent yn mynd i sesiwn ymsefydlu gan Brifysgol Caerdydd cyn mynd i ysgol. Mae hyn yn eu helpu i baratoi ar gyfer eu profiad.

Ynglŷn â'r trefnydd

Y Tîm Cefnogi a Lles Myfyrwyr sy’n rhan o’r adran Gyrfaoedd a Chyflogadwyedd sy’n trefnu’r gweithgaredd hwn. Cysylltwch â Chloe Evans yn classroomexperienceproject@caerdydd.ac.uk i gael rhagor o fanylion.