Rheoli, Cyflogaeth a Sefydliad

Mae’r Adran Rheoli, Cyflogaeth a Sefydliadau (MEO) yn gartref i nifer o grwpiau a chanolfannau ymchwil ac mae’n ymgymryd ag ymchwil mewn tri maes eang:

1. Astudiaethau’r Sefydliad
2. Cysylltiadau Cyflogaeth
3. Rheoli Sector Cyhoeddus

Yn ogystal â hyrwyddo ymchwil o ansawdd rhyngwladol, nod yr adran yw i ddarparu addysg a arweinir gan ymchwil o ansawdd rhagorol ac i ddarparu amgylchedd cefnogol ar gyfer datblygu ymchwilwyr academaidd ac addysgwyr. Mae gan ein hymchwilwyr broffil cryf iawn o ran cyhoeddi, cynghori ac ymgynghori, gan ddarparu adroddiadau a chyngor ar gyfer amrywiaeth eang o gleientiaid corfforaethol ac eraill. Mae defnyddwyr ymchwil MEO diweddar yn cynnwys:

1. Y Sefydliad Llafur Rhyngwladol
2. Cyngres yr Undebau Llafur
3. Y Comisiwn Ewropeaidd
4. Ffederasiwn Gweithwyr Trafnidiaeth Rhyngwladol
5. Y Gwasanaeth Cynghori, Cymodi a Chyflafareddu
6. Llywodraeth Cymru
7. Swyddfa'r Dirprwy Brif Weinidog

Mae’r llwybr Rheoli, Cyflogaeth a Sefydliad yn cael ei gydnabod gan Y Cyngor Ymchwil Economaidd a Chymdeithasol (ESRC). Mae’r llwybr yn cwmpas ystod lawn o arbenigedd, ond mae’r meysydd canlynol yn arbennig o gryf:

• Cysylltiadau Cyflogaeth
• Astudiaethau Sefydliadol (safbwyntiau rhyngddisgyblaethol yn enwedig)
• Rheoli Adnoddau Dynol
• Astudiaethau Rheoli Beirniadol
• Gwella’r Sector Cyhoeddus
• Entrepreneuriaeth.

Mae’r rhaglen ar gyfer y rhai hynny sy’n dymunol archwilio maes mewn cysylltiad â Rheoli, y Sefydliad a Chyflogaeth yn fwy manwl, ond yn bwysicaf i’r rhai sydd am ymgymryd â chymhwyster ffurfiol mewn ymchwil. Bydd y rhaglen PhD yn eich paratoi naill ai am yrfa fel ysgolhaig academaidd blaenllaw neu i ragori mewn busnes proffesiynol neu wneud penderfyniadau polisi cyhoeddus uwch. Ar hyd y ffordd cewch eich annog i gyhoeddi, cyn cwblhau traethawd arloesol sy’n cyfrannu at ddadl academaidd yn eich maes o ddewis. Byddwn yn cynnig lle i chi ar ein rhaglen PhD oherwydd ein bod yn credu bod gennych chi’r dalent, y cefndir a’r fenter i gwblhau’r rhaglen a bodloni’r nodau hyn.

Nodweddion unigryw

• Efallai y bydd cyfleoedd addysgu ar gael, yn dibynnu ar ofynion yr adran.  Mae hyn yn cael ei adolygu o flwyddyn i flwyddyn.
• Mae'r adran yn rhedeg cyfres seminar sy’n denu siaradwyr gwadd o amgylch y byd.  Hefyd mae academyddion rhyngwladol yn ymweld yn rheolaidd.  Mae’r ymwelwyr hyn yn rhoi mynediad rheolaidd i fyfyrwyr PhD at academyddion blaenllaw o amgylch y byd.
• Mae nifer o brosiectau ymchwil yr adran wedi cael effaith uniongyrchol ar benderfyniadau a wnaed gan sefydliadau’r sector preifat, ffederasiynau cyflogwyr, cyrff undeb llafur, ac asiantaethau’r llywodraeth.  Mae’r ymchwil hwn a arweinir gan effaith yn adlewyrchu’r cysylltiadau cryf sydd gan aelodau’r adran gyda chyflogwyr a chyrff rheoleiddio lleol, cenedlaethol a rhyngwladol.

Cyswllt