Canolfan Imiwnoleg Niwroseiciatrig Hodge

Mae Canolfan Imiwnoleg Niwroseiciatrig Hodge yn dod ag ymchwilwyr arbenigol ym meysydd niwrowyddoniaeth ac imiwnoleg ynghyd i ganolbwyntio ar brosesau imiwnedd anhwylderau iechyd megis clefyd Alzheimer a sgitsoffrenia.

Mae datblygiadau ymchwil cyffrous, llawer ohonynt dan arweiniad ymchwilwyr Prifysgol Caerdydd, wedi dangos pwysigrwydd system imiwnedd yr ymennydd o ran datblygiad cyflyrau megis clefyd Alzheimer a sgitsoffrenia. Bellach, gall y darganfyddiadau hyn roi ffyrdd newydd inni ddeall achosion yr anhwylderau hyn a braenaru’r tir i ddatblygu triniaethau newydd ar eu cyfer.

Mae astudio rôl y system imiwnedd o ran swyddogaethau'r ymennydd megis y cof ac o ran afiechydon yn faes ymchwil cyffrous ond heriol. Nod Canolfan Hodge yw:

• hyfforddi carfan o wyddonwyr ym maes niwrowyddoniaeth ac imiwnoleg
• creu rhagor o ymchwil draws-ddisgyblaethol fydd yn dod â niwrowyddonwyr ac imiwnolegwyr ynghyd
• codi diddordeb ymchwilwyr a'r cyhoedd yn gyffredinol yn y ffordd newydd hon o feddwl am glefydau'r ymennydd.

Mae'r Ganolfan yn dwyn ymchwilwyr ar draws meysydd gwahanol niwrowyddoniaeth ac imiwnoleg, ynghyd, mewn rhaglen gysylltiedig o hyfforddiant, ymchwil ac ymgysylltu.

Ymholiadau

I gael rhagor o wybodaeth ynghylch ysgoloriaethau PhD Canolfan Hodge, prosiectau sbarduno, astudiaethau grantiau peilot a lleoliadau haf ar gyfer myfyrwyr israddedig, cysylltwch â:

Academyddion cysylltiedig