Meysydd Chwarae

Mae'r maes chwaraeon helaeth hwn yn darparu caeau chwaraeon synthetig o ansawdd uchel ac ystafelloedd newid, ystafelloedd cyfarfod ac arlwyo i fyfyrwyr, staff a defnyddwyr allanol/cymunedol.

Defnyddio cyfleusterau

Cwblhaodd Chwaraeon Prifysgol Caerdydd osod ei gaeau chwaraeon synthetig newydd ym mis Rhagfyr 2022. Mae'r cyfleusterau hyn yn cynnwys:

• 3 x cae pêl-droed 3G (wedi'u hachredu gan FIFA)
• 2 x cae rygbi 3G (wedi'u hachredu gan Rygbi'r Byd)
• 1 x cae hoci/lacrosse wedi'i orchuddio â thywod (wedi'i achredu gan FIH)
• 1 x cae pêl-droed Americanaidd 3G
• Mae llifoleuadau ar yr holl gaeau synthetig
• 20 x ystafell newid
• Ystafell gyfarfod tîm gydag offer clyweledol
• Gofod arlwyo/lolfa
• Gofod digwyddiadau awyr agored
• Lleoedd parcio i dros 400

Cadw cyfleuster neu le mewn dosbarth/sesiwn

Dylid cadw lle trwy gysylltu â'r derbynfa. Mae defnyddio cyfleusterau chwaraeon y Brifysgol yn amodol ar delerau ac amodau.

Caeau Chwarae Prifysgol Caerdydd, Heol Mendip, Llanrhymni, CF3 4JN

Oriau agor

Mae’r cyfleuster ar agor ddydd Llun i ddydd Gwener rhwng 09:00 a 21:00, a rhwng 09:00 ac 18:00 ar y penwythnos. Gall yr oriau agor amrywio yn ystod yr haf yn amodol ar yr hyn sydd wedi’i drefnu/nifer y lleoedd sydd wedi’u cadw.

Mae'r cyfleuster ar gau ar wyliau banc.

Mynediad

Mae cyfleusterau parcio da ar gyfer ceir a bysiau ar y safle hwn. Serch hynny, ar yr ychydig achlysuron pan fydd cystadlaethau mawr i fyfyrwyr yn cael eu cynnal, gall fod diffyg lleoedd parcio.

Dylid nodi bod y cyfleuster wedi'i leoli mewn ardal breswyl a bod gofyn i bob defnyddiwr ddangos gofal ac ystyriaeth wrth barcio yn yr ardaloedd cyfagos.