Ysgol Haf
Mae ein hail Ysgol Haf flynyddol mewn Ymchwil Iechyd Meddwl Ieuenctid yn digwydd eleni.
Cynhelir y cwrs tri diwrnod ar-lein, yng ngofal y tîm rhyngddisgyblaethol arbenigol yng Nghanolfan Wolfson ar gyfer Iechyd Meddwl Pobl Ifanc ym Mhrifysgol Caerdydd.
Nod y rhaglen yw rhoi sylfaen i ddarpar ymchwilwyr o gefndiroedd clinigol ac anghlinigol mewn ymchwil iechyd meddwl ieuenctid, gan ganolbwyntio'n bennaf ar y gwaith eang a wnawn yng Nghanolfan Wolfson.
Bydd yr ysgol haf yn cael ei chyflwyno gan ymchwilwyr o'r radd flaenaf sy’n rhan o’r ganolfan nodedig, a fydd yn arwain sgyrsiau a gweithdai yn eu meysydd arbenigedd, gan ganolbwyntio ar ddeall achosion problemau iechyd meddwl y glasoed a all lywio ffyrdd effeithiol newydd o gynnig cymorth ymarferol i bobl ifanc.
Mae'r ysgol haf yn cynnwys sgyrsiau ar amrywiaeth o bynciau ym maes dulliau a chanfyddiadau ymchwil iechyd meddwl ieuenctid, gan ddefnyddio disgyblaethau epidemioleg, geneteg, niwrowyddoniaeth a datblygu ymyriadau, gan gynnwys:
- Heriau ar gyfer iechyd meddwl ieuenctid a'r dirwedd bresennol
- Safbwyntiau byd-eang ar raglenni a pholisïau iechyd meddwl
- Atal iselder ymhlith pobl ifanc
- Iechyd meddwl mewn ysgolion a gwerthuso ymyriadau cymhleth
- Ymchwil geneteg seiciatrig ym maes iechyd meddwl ieuenctid
- Hunanladdiad a hunan-niweidio ymhlith pobl ifanc
Mae'r ysgol haf hefyd yn cynnwys gweithdai rhyngweithiol ar bynciau sy’n cynnwys cyngor ar yrfa ymchwil, pwysigrwydd cynnwys y cyhoedd mewn ymchwil, a sut gall ymchwilwyr helpu i sicrhau bod canfyddiadau'n cael eu trosi'n bolisi i'r llywodraeth.
Rhaglen
Rhaglen rithwir Ysgol Haf Wolfson ar gyfer 2022:
Dydd Llun 17 Gorffennaf
| Amser | Gweithgaredd |
|---|---|
| 10:00 | Croeso a chyflwyniad Yr Athro Frances Rice |
| 10:20 | Safbwyntiau byd-eang ar raglenni a pholisïau iechyd meddwl Dr Yulia Shenderovich |
| 11:30 | Atal Iselder Yr Athro Frances Rice |
| 13:30 | Pwysigrwydd a chymhwyso niwrowyddoniaeth mewn seiciatreg Yr Athro Jeremy Hall |
| 14:30 | Gweithdai mewn ystafelloedd ymneilltuo
|
| 15:30 | Diwedd y diwrnod cyntaf |
Dydd Mawrth 18 Gorffennaf
| Amser | Gweithgaredd |
|---|---|
| 09:30am | Coffi rhithiol gyda siaradwyr dydd Llun |
| 10:00am | Croeso a trosolwg Yr Athro Anita Thapar |
| 10:10am | Heriau i iechyd meddwl ieuenctid a'r tirwedd presennol Yr Athro Anita Thapar |
| 11:20am | Iechyd meddwl mewn ysgolion a gwerthuso ymyriadau cymhleth Yr Athro Graham Moore |
| 1:20pm | Sut mae iechyd meddwl rhieni yn effeithio ar iechyd meddwl plant? Dr Vicky Powell |
| 2:30pm | Gweithdai mewn ystafelloedd ymneilltuo
|
| 3:30pm | Diwedd yr ail ddiwrnod |
Dydd Mercher 19 Gorffennaf
| Amser | Gweithgaredd |
|---|---|
| 9:30 | Coffi rhithiol gyda siaradwyr dydd Mawrth Croeso i’r holl fynychwyr a siaradwyr |
| 10:00 | Croeso a throsolwg Tîm ysgol haf |
| 10:10 | Hunanladdiad a hunan-niweidioYr Athro Ann John |
| 11:20 | Tueddiadau seciwlar ym maes iechyd meddwl pobl ifancYr Athro Stephan Collishaw |
| 13:20 | Geneteg Dr Joanna Martin |
| 14:30 | Gweithdai mewn ystafelloedd ymneilltuo
|
| 15:30 | Cloi a ffarwelio |
Sylwch y bydd yr holl sgyrsiau a gweithdai yn cael eu cyflwyno yn Saesneg.
Siaradwyr
Cyflwynir y rhaglen gan arbenigwyr yn eu priod feysydd.
- Yr Athro Stephan Collishaw
- Yr Athro Jeremy Hall
- Yr Athro Ann John
- Yr Athro Graham Moore
- Yr Athro Frances Rice
- Yr Athro Anita Thapar
- Dr Rhys Bevan Jones
- Dr Chris Eaton
- Dr Olga Eyre
- Dr Will Davies
- Dr Joanna Martin
- Dr Victoria Powell
- Dr Yulia Shenderovich
- Dr Foteini Tseliou
- Dr Amy Shakshaft
- Emma Meilak
- Sophie Jones
Pwy sy’n gallu gwneud cais?
Mae'r ysgol haf wedi'i hanelu at wyddonwyr ymchwil (MSc, PhD, Ôl-ddoethurol neu wedi cwblhau BSc) a hyfforddeion clinigol (Hyfforddiant Sylfaen/Craidd/Arbenigedd) sydd â diddordeb mewn symud i ymchwil iechyd meddwl ieuenctid, neu'r rhai sydd am gael cyflwyniad i'r maes.
Cewch fynychu ein hysgol haf yn rhad ac am ddim.
Sut mae gwneud cais
Mae’r cyfnod gwneud cais am Ysgol Haf Canolfan Wolfson 2023 bellach wedi dod i ben.
Os oes gennych chi ddiddordeb mewn gwneud cais ar gyfer Ysgol Haf 2024, dilynwch ni ar ein cyfryngau cymdeithasol neu cofrestrwch i gael ein rhestr bostio fydd yn cynnwys y newyddion diweddaraf.
Cysylltu â ni
I gael rhagor o wybodaeth, cysylltwch â ni.
Canolfan Wolfson ar gyfer Iechyd Meddwl Pobl Ifanc
Cael y wybodaeth ddiweddaraf am y canfyddiadau diweddaraf ym maes iechyd meddwl ieuenctid gyda'n bwletin e-newyddion misol a'n sesiynau briffio ymchwil bob dwy flwyddyn.