Dewiswch sut rydych chi am brofi ein campysau a dod i adnabod eich dinas newydd. Rydyn ni'n cynnig digwyddiadau wyneb yn wyneb, gweminarau a theithiau rhithwir fel y gallwch chi ddod i adnabod Prifysgol Caerdydd mewn ffordd sy'n gweithio i chi.
Gwyliwch holl gyffro ein Diwrnod Agored
Edrychwch ar ein fideo uchafbwynt diweddaraf a gweld beth sy'n digwydd ar Ddiwrnod Agored i israddedigion.
Mae croeso cynnes yma i chi
Byddwch yn hyderus eich bod yn gwneud y dewis cywir ynghylch ble i astudio drwy ymweld â'n Diwrnod Agored.
Dysgwch pam y dylech chi ddod i'n digwyddiad nesaf.
-
Cael blas ar Gaerdydd
Bydd cyfle i chi sgwrsio â'n myfyrwyr presennol i ddysgu rhagor am eu profiadau nhw o astudio a byw yng Nghaerdydd. -
Taith o amgylch ein cyfleusterau
Bydd cyfleoedd i chi ymweld â chyfleusterau fel labordai, llyfrgelloedd, llety, lleoedd i fyfyrwyr a darlithfeydd. -
Dysgu am y modiwlau
Gall ein darlithwyr eich helpu i ddeall sut a beth y byddwch chi’n ei ddysgu gyda ni, fel y gallwch chi fod yn sicr bod ein cwrs o ddiddordeb i chi ac yn gweddu i'ch ffordd o astudio. -
Tawelu’r meddwl
Rhowch ddiwedd ar unrhyw amheuon a chael atebion i gwestiynau sydd gennych chi am Brifysgol Caerdydd, fel y gallwch chi fod yn sicr mai dyma’r lle i chi. -
Cwrdd â'ch darlithwyr
Bydd cyfleoedd i gwrdd â rhai o'r darlithwyr yn eich ysgol, ac mae rhai ysgolion hyd yn oed yn cynnig darlith i westeion er mwyn i chi gael profiad o sut beth yw darlith. -
Bod yn hapus gyda’ch penderfyniad
Mae gwneud eich ymchwil yn golygu na fydd gennych chi unrhyw beth i’w boeni amdano pan fyddwch chi ar eich ffordd yma. Byddwch yn hyderus eich bod wedi gwneud y penderfyniad cywir.
Cynllunio’ch ymweliad â Chaerdydd
Gall ein canllawiau eich helpu i fynd am dro o amgylch y ddinas, dod o hyd i bethau i'w gwneud tra byddwch chi yma, a darparu gwybodaeth hygyrchedd ar gyfer ein hadeiladau.
