Arwyn Tomos Jones
Rwyf wedi cael profiadau gwerth chweil yn ymgysylltu â’r cyhoedd.
Boed hynny drwy geisio ennyn diddordeb plentyn bach mewn gwyddoniaeth, esbonio bioleg celloedd cymhleth i oedolyn, neu mewn cyfweliadau ar y radio a’r teledu. Drwy’r profiadau hyn, mae wedi bod yn fraint cael cwrdd â phobl anhygoel o bob cefndir, naill ai fel rhan o dimau allgymorth neu wrth ryngweithio â’r cyhoedd.
Sefydlu arddangosfeydd allgymorth yw’r cyfle perffaith i esbonio i’r cyhoedd pam eich bod chi’n credu bod gwyddoniaeth - yn arbennig eich maes gwyddonol chi - yn bwysig. Mae eich gallu i wneud gwaith ymchwil yn dibynnu i raddau helaeth ar y bobl rydych yn rhyngweithio gyda nhw. Teimlaf fod dyletswydd arnom i egluro wrthynt beth ydym yn ei wneud gyda’u harian; mae ymgysylltu â’r cyhoedd yn ffordd wych o wneud hyn.
Rydym wedi ymrwymo i helpu cymunedau Caerdydd, Cymru a thu hwnt, ac i weithio gyda’r rhai nad ydynt wedi ymgysylltu â ni yn draddodiadol.