95% o'r ymchwil yn yr Ysgol Seicoleg gyda'r gorau yn y byd neu'n rhyngwladol ragorol

Yng nghanlyniadau Fframwaith Rhagoriaeth Ymchwil (REF) 2021 a gyhoeddwyd heddiw (dydd ^{Iau 12} Mai), nodwyd bod 95% o'r ymchwil yn Ysgol Seicoleg Prifysgol Caerdydd yn swyddogol gyda’r gorau yn y byd, neu'n rhyngwladol ragorol, o ran gwreiddioldeb, arwyddocâd a thrylwyredd.

Mae REF yn asesiad annibynnol o ansawdd ymchwil ar draws sefydliadau addysg uwch y DU. Mae'r canlyniadau diweddaraf hyn yn cadarnhau bod yr Ysgol yn ganolfan ragoriaeth sydd gyda’r gorau yn y byd, a’i bod yn y 7fed safle yn gyffredinol (ymhlith 93) yn y DU, a 3.55 yw sgôr ei chyfartaledd pwynt gradd.

Dyfarnwyd y sgôr uchaf posibl (4.00) i amgylchedd ymchwil yr Ysgol hefyd. Mae’r amgylchedd hwn yn cael ei ystyried yn un sy’n helpu i gynhyrchu ymchwil ryngwladol ragorol, o ran ei bywiogrwydd a’i chynaliadwyedd.

Mae’r ymchwilwyr yn ein Hysgol yn gweithio ar draws maes eang seicoleg er mwyn mynd i’r afael â heriau o bwys sy’n wynebu cymdeithas a’r amgylchedd. Mae hyn yn cynnwys newid y ddeddfwriaeth yn y DU sy’n ceisio lleihau gwastraff plastig untro drwy godi tâl ar y rhai sy’n defnyddio plastig o’r fath, cyflwyno gwasanaeth cenedlaethol newydd i gefnogi mabwysiadu brodyr a chwiorydd a phlant mewn gofal sy’n anodd eu lleoli, yn ogystal â newid canllawiau i wasanaethau brys y DU.

Mae’n werth cofio ein bod wedi cyflawni’r canlyniad hwn er i ni bron â dyblu nifer y staff academaidd a gyflwynodd ar gyfer REF 2021. Roedd y cyflwyniad yn adlewyrchiad o ddull cynhwysol o gefnogi rhagoriaeth ymchwil ar draws pob disgyblaeth. Fe gyflawnwyd hyn trwy gynorthwyo ymchwilwyr Caerdydd i gyflawni ymchwil sy'n gwneud gwahaniaeth. Mae’r ffaith inni gyflwyno 100% o’n hymchwil, yn ogystal â’r twf sylweddol yn ein cymuned ymchwil yn ystod cyfnod REF 2021, yn brawf o hyn.

Darllenwch y nodweddion amlycaf ym mhrif astudiaethau achos o effaith yr Ysgol Seicolega gyflwynwyd i REF 2021.