Cydraddoldeb ac amrywiaeth
Rydyn ni wedi ymrwymo i hyrwyddo cydraddoldeb ac amrywioldeb yn rhan o’n holl arferion a gweithgareddau.
Ein nod yw sicrhau diwylliant cynhwysol a chroesawgar sy’n rhoi cyfle cyfartal i staff a myfyrwyr o bob oed, ethnigrwydd, anabledd, strwythur teuluol, rhywedd, cenedl, cyfeiriadedd rhywiol, hil, crefydd neu gred arall a chefndir economaidd-gymdeithasol.
Athena SWAN
Mae Athena SWAN yn gynllun sy'n hyrwyddo cydraddoldeb rhywedd mewn addysg uwch ac ymchwil, yn enwedig mewn meysydd STEM.
Gweinyddir y rhaglen gan Advance HE, ac mae’n gweithredu drwy siarter y mae sefydliadau’n ymrwymo iddi, sy’n cynnwys hunanasesu, pennu nodau, a cheisio cyrraedd achrediad Efydd, Arian neu Aur yn seiliedig ar eu cynnydd. Mae'r fenter yn canolbwyntio ar greu amgylcheddau cynhwysol, chwalu rhwystrau i yrfaoedd a meithrin amrywiaeth yn y byd academaidd.
Dyfarnwyd Gwobr Efydd Athena SWAN i ni ym mis Ionawr 2025 ac rydyn ni wedi ymrwymo i ystod o gamau gweithredu i hyrwyddo cydraddoldeb rhywedd yn ein Hysgol.
Cais Gwobr Arian Athena Swan yr Ysgol Cyfrifiadureg
Athena Swan application
Os na all eich meddalwedd gynorthwyol ddarllen y ddogfen hon, gallwch chi ofyn am fersiwn hygyrch drwy ebostio web@caerdydd.ac.uk. Cynhwyswch yr adnoddau cynorthwyol a ddefnyddiwch chi a’r fformat sydd ei angen arnoch.
Pwyllgor Cydraddoldeb, Amrywiaeth a Chynhwysiant
Prif ddiben y pwyllgor Cydraddoldeb, Amrywiaeth a Chynhwysiant yw hyrwyddo gweithle mwy cynhwysol a theg drwy fynd i’r afael â materion sy’n ymwneud â gwahaniaethu, rhagfarn, a thangynrychiolaeth.
Rydyn ni’n datblygu strategaethau, polisïau a mentrau i greu gweithle sy'n gwerthfawrogi ac yn cefnogi amrywiaeth, gan sicrhau bod unigolion yn cael cyfleoedd cyfartal i lwyddo a chael dyrchafiad.
Rydym yn aelod o Athena Swan, sy'n cydnabod ein hymroddiad i ddatblygu gyrfaoedd menywod mewn gwyddoniaeth, technoleg, peirianneg, mathemateg a meddygaeth.
