Eisteddfod Genedlaethol

Yr Eisteddfod Genedlaethol yw'r ŵyl ddiwylliannol fwyaf yn Ewrop, a gynhelir bob blwyddyn mewn rhan wahanol o Gymru.

Cynhelir yr ŵyl eleni ym Mharc Ynysangharad, Pontypridd, yn Rhondda Cynon Taf, rhwng 3 a 10 Awst, a dyma lle bydd canolbwynt y mwyafrif o'r pafiliynau a'r gweithgareddau.

Mae rhagor o wybodaeth am leoliad a chludiant yr Eisteddfod eleni ar gael yma.

Yr hyn y byddwn ni'n ei gynnig eleni

Bydd ein tîm ar gael ar y Maes drwy gydol yr wythnos i ateb unrhyw gwestiynau sydd gennych am astudio yng Nghaerdydd.

Mae gennym hefyd raglen gynhwysfawr o sgyrsiau a gweithgareddau rhyngweithiol ar ein stondin.

Drwy gydol yr wythnos, bydd yr Ysgol Newyddiaduraeth, y Cyfryngau a Diwylliant yn cynnal sgyrsiau panel a thrafodaethau sy'n cynnwys newyddiadurwyr a bydd myfyrwyr meddygol, o dan arweiniad clinigwyr, yn darparu darlleniadau pwysedd gwaed ac yn cynnig cyngor yn seiliedig ar y canlyniadau.

Bydd Cwt Pentref Gwyddoniaeth Prifysgol Caerdydd yn blatfform i'n gwaith ymchwil canser ac yn arddangos y camau sy'n cael eu cymryd wrth ddefnyddio cemeg i gynhyrchu ynni.

Academyddion yn yr Eisteddfod

• Bydd yr Athro Richard Wyn Jones, cyfarwyddwr Canolfan Llywodraethiant Cymru, yn traddodi sgwrs ym Mhabell y Cymdeithasau ddydd Iau 8 Awst am 12:30 ar achlysur pen-blwydd Plaid Cymru yn 100 oed.
• Bydd yr Athro Laura McAllister yn siarad am ganfyddiadau'r Comisiwn Annibynnol ar Ddyfodol Cyfansoddiadol Cymru, a gadeiriodd ochr yn ochr â Dr Rowan Williams ym Mhabell y Cymdeithasau ddydd Sadwrn 3 Awst am 14:40.
• Bydd Dr Dylan Foster Evans, pennaeth Ysgol y Gymraeg, yn traddodi darlith Bobi Jones, ddydd Mercher 7 Awst am 15:30 ym Maes D, yn trafod hanes y Gymraeg yn Rhondda Cynon Taf. Bydd hefyd yn rhoi sgwrs yn y Babell Lên ddydd Sul 4 Awst am 10:30 am yr 'ysgolhaig a gollwyd' Margaret Enid Griffiths o DonPentre tra'n archwilio diwylliant Cymraeg y Rhondda.
• Mae Dr Sian Edwards o'r Ysgol Ieithoedd Modern yn ymddangos ym Mhabell y Cymdeithasau am 14:40 ddydd Sadwrn 3 Awst i rannu hanes plant Gwlad y Basg a ddaeth i dde Cymru fel ffoaduriaid yn ystod Rhyfel Cartref Sbaen.
• Bydd yr Athrawon Emeritws E Wyn James a Bill Jones ddydd Iau 8 Awst am 14:00 ym Mhabell y Cymdeithasau yn canolbwyntio ar fywydau a chyfraniadau Aaron Jenkins, 'achubwr Y Wladfa yr Wladfa yr Anheddiad Cymreig ym Mhatagonia', a Margaret E. Roberts, ymgyrchydd dros hawliau menywod yn eu sgwrs dros Ganolfan Astudiaethau Cymreig America yng Nghaerdydd.
• Bydd Dr Elen Ifan o Ysgol y Gymraeg a Dr Joe O'Connell o'r Ysgol Cerddoriaeth, yn cyflwyno canfyddiadau eu hymchwil o'u prosiect yn archwilio cysylltiadau rhwng cerddoriaeth Gymraeg a'r sîn pync Māori ym Mhabell y Cymdeithasau ddydd Gwener 9 Awst am 10:30.

Anrhydeddu staff y brifysgol

Mae aelodau staff y Brifysgol, gan gynnwys Awen Iorwerth o'r Ysgol Meddygaeth, a Dr Siwan Rosser o Ysgol y Gymraeg, yn cael eu hanrhydeddu eleni gan Gorsedd Cymru am eu cyfraniad eithriadol i Gymru, y Gymraeg, a'u cymunedau lleol.

Mae Gorsedd y Beirdd yn gymdeithas sy'n cynnwys pobl sydd wedi gwneud cyfraniad nodedig i'r genedl, yr iaith, a'i diwylliant.

Cynhelir seremonïau Arwisgo'r Orsedd yn ystod bore dydd Llun 5 Awst a dydd Gwener 9 Awst. Mae croeso i unrhyw un sydd â thocyn i'r Eisteddfod fynychu'r ddwy seremoni.

Cysylltu â ni

Os oes angen rhagor o wybodaeth arnoch neu os oes gennych unrhyw gwestiynau, cysylltwch â thîm Eisteddfod Prifysgol Caerdydd.