Canolfan Ymchwil Polisi Arloesedd

Rydym ni’n cynnal ymchwil sy'n berthnasol i bolisi ar greadigrwydd, arloesedd a'r economi ochr yn ochr â chydweithredwyr o sefydliadau ar draws y sector cyhoeddus, preifat a'r trydydd sector yn y Deyrnas Unedig (DU) ac yn rhyngwladol.

Mae ein hymchwil yn canolbwyntio'n benodol ar natur arloesi o ran gofod ac yn seiliedig ar leoedd. Rydym ni’n hyrwyddo cynaliadwyedd ac arloesedd cyfrifol wrth nodi a datblygu canfyddiadau ymchwil sy'n berthnasol i bolisi.

Amcanion

Rydym ni’n datblygu ymchwil unigryw ac effeithiol sy'n adeiladu ar sylfaen arbenigedd rhyngddisgyblaethol ac yn defnyddio sawl dull i ddadansoddi a llywio datblygiad polisi arloesi. Mae ein gweithgareddau'n cynnwys:

• datblygu ymchwil o ansawdd uchel
• cynhyrchu allbynnau ymchwil
• cynhyrchu incwm ymchwil
• hyrwyddo cyfnewid gwybodaeth a chydweithio ar bolisi arloesi
• adeiladu rhwydweithiau i annog ymchwil sy'n berthnasol i bolisi ar arloesi
• llywio datblygiad polisi yng Nghymru, y DU ac yn rhyngwladol

Prosiectau

Arloesedd i Bawb – Her prydau ysgol am ddim yng Nghymru

Fideo o’r gweithdy Arloesedd i Bawb

Un o'r pethau mwyaf uchelgeisiol a ddeilliodd o'r Cytundeb Cydweithredu rhwng Llywodraeth Llafur Cymru a Phlaid Cymru oedd yr ymrwymiad i gynnig prydau ysgol am ddim i bob disgybl mewn ysgolion cynradd yng Nghymru. Er bod yr ymrwymiad hwn i bolisi newydd yn hynod ganmoladwy, mae hefyd yn heriol iawn pan fo awdurdodau lleol eisoes yn ei chael hi'n anodd parhau i ddarparu gwasanaethau presennol o ganlyniad i bwysau deuol – cyllidebau tynn, a chostau sy’n cynyddu’n gyflym o ran bwyd a thanwydd.

Roedd y gweithdy Arloesedd i Bawb, a hwyluswyd gan yr Athro Kevin Morgan, yn ymdrin â gwahanol ddimensiynau’r her ac yn canolbwyntio’n arbennig ar y tair problem fwyaf cyffredin:

• yr isadeiledd (ceginau ac ystafelloedd bwyta) ar gyfer cynnig prydau ysgol am ddim i nifer uwch o blant
• y broblem o ran sicrhau bod digon o staff arlwyo ar gael i helpu neu gynnig oriau ychwanegol i’r staff presennol
• caffael bwyd maethlon

Mae Kevin Morgan yn annog cynaliadwyedd bwyd, ac mae wedi cyfrannu at adroddiad diweddaraf Llywodraeth Cymru ar wneud cynaliadwyedd yn rhan o’r broses caffael bwyd: Prynu Bwyd Addas i’r Dyfodol.

Cronfa Her Prifddinas-Ranbarth Caerdydd

Mae CIPR yn gweithio mewn partneriaeth Rhanbarth Prifddinas Caerdydd i ddatblygu a darparu Cronfa Her. Pwrpas rhaglen Cronfa Her CCR yw creu cyfleoedd masnachol i gwmnïau, a wahoddir i gynnig atebion i heriau cymdeithasol mawr a nodir trwy broses gystadleuol gan gyrff cyhoeddus. Bydd rhaglen £10 miliwn y Gronfa Her yn cael ei chynnal dros dair blynedd a hanner ac mae'n cynnwys darpariaeth o £2 miliwn ar gyfer gweithgareddau ymchwil, rheoli a gweithredol y fydd yn cael eu cynnal gan CIPR mewn partneriaeth â'r CCR.

Mae rhaglen y Gronfa Her yn cynnig cyfle i ymchwilwyr Prifysgol Caerdydd lunio a datblygu menter cronfa her, gan ymgymryd ag ymchwil sylfaenol sy'n llywio datblygiad polisi ac arfer newydd wrth weithredu a chyflawni'r gronfa, wrth fewnbynnu i gymhwyso ymchwil yn ymarferol sy'n cyfrannu at arloesedd gwasanaethau cyhoeddus. Mae hyn yn adeiladu ar waith blaenorol cyd-gynllunwyr CIPR ac yn rhagweld cyfleoedd yn y dyfodol gan fod cronfeydd her yn dod yn rhan gynyddol o ddulliau polisi o ddatblygu economaidd ac arloesi.

Yr Her Cynhyrchu a Chyflenwi Bwyd yn Gynaliadwy

Mae ein Her Fwyd bresennol yn adeiladu ar waith CIPR mewn meysydd sy'n ymwneud â bwyd, ac fe welwch yr Athro Kevin Morgan i'w weld yn ein fideo yn cyflwyno'r her.

Ein fideo

Arloesi Gwasanaethau Cyhoeddus y Dyfodol (Infuse)

Rhaglen arloesi ac ymchwil yw Infuse sydd wedi'i chynllunio i feithrin sgiliau a gallu ar gyfer gwasanaethau cyhoeddus ar draws Rhanbarth Prifddinas Caerdydd.

Wedi'i ariannu gan Gronfa Gymdeithasol Swyddfa Ariannu Ewropeaidd Cymru, mae Infuse yn gydweithrediad rhwng Prifysgol Caerdydd, Y Lab, Nesta, Swyddfa Bargen Rhanbarth Prifddinas Caerdydd a'r deg awdurdod lleol sy'n rhan o'r rhanbarth.

Caiff y rhaglen ei hadeiladu o amgylch cyfleoedd i fynd i'r afael â chwestiynau yn y byd real, wedi'u sbarduno gan yr heriau mwyaf sy'n wynebu'r rhanbarth.

Arloesedd i Bawb

Mae arloesedd sy'n canolbwyntio ar heriau ac arloesedd sy’n canolbwyntio ar genhadaeth a datblygiad economaidd yn dod yn feysydd pwysig ym maes polisi arloesedd, ond mae profiad ymarferol o’r rhain yn dal i fod yn brin.

Mae cyllid wedi’i roi i’r Ganolfan Ymchwil Polisi Arloesedd er mwyn lansio cyfres o weithdai Arloesedd i Bawb at ddibenion meithrin capasiti a gallu ym Mhrifddinas-Ranbarth Caerdydd o ran arloesedd sy’n canolbwyntio ar heriau, gan gynnwys codi ymwybyddiaeth o sut y gall gwasanaethau cyhoeddus/elusennau/y trydydd sector elwa o wneud hyn.

MariNH3

Mae’r Ganolfan Ymchwil Polisi Arloesedd a'r Ysgol Beirianneg yn gweithio mewn partneriaeth â Phrifysgol Nottingham ar brosiect newydd i ymchwilio i botensial amonia i gyflenwi a datgarboneiddio'r diwydiant llongau pellter hir a rhoi hwb i sector trenau pŵer y DU.

Nod prosiect MariNH3, sy’n werth £5.5 miliwn ac yn cael ei ariannu gan Gyngor Ymchwil y Gwyddorau Ffisegol a Pheirianneg, yw datblygu technoleg peiriannau newydd a tharfol a fydd, un diwrnod, yn lleihau’r llygredd sy’n cael ei allyrru gan longau diesel heddiw.

Bydd y prosiect pum-mlynedd yn archwilio atebion sy’n seiliedig ar dechnoleg ôl-osod a all fynd i’r afael â phroblemau sy’n ymwneud ag effeithlonrwydd peiriannau, lleihau defnydd o ynni a lleihau llygredd.

Mae consortiwm MariNH3 yn credu'n gryf y bydd angen defnyddio cymysgedd o dechnolegau i ddatgarboneiddio llongau’n effeithiol, gan nad fydd yr un tanwydd neu dechnoleg yn ein helpu i gyflawni sero net. Fodd bynnag, mae disgwyl i amonia gwyrdd chwarae rhan allweddol yn yr ymdrechion i ddatgarboneiddio llongau.

Cwrdd â'r tîm

Staff academaidd

Staff cysylltiol

Digwyddiadau

Cyfres Ecosystemau Enrepreneuraidd Gweithdy 1 - 18 March 2021

Sesiwn 1 - Yr Athro Andrew Johnston

Gweithdy 1- Sesiwn 1| Yr Athro Andrew Johnston

Sesiwn 2 - Dr Daniel Prokop 

Gweithdy 1- Sesiwn 2 | Dr Daniel Prokop

Sesiwn 3 - Yr Athro Michael Fritsch a'r tîm

Gweithdy 1- Sesiwn 3 | Yr Athro Michael Fritsch and team

Sesiwn 4 - Dr Katharina Scheidgen a Ms Michaela Hruskova

Gweithdy 1- Sesiwn 4 | Dr Katharina Scheidgen, Ms Michaela Hruskova

Cyfres Ecosystemau Enrepreneuraidd Gweithdy 2 - 25 March 2021

Sesiwn 1 - Dr Rhiannon Pugh

Gweithdy 2 Sesiwn 1| Dr Rhiannon Pugh

Sesiwn 2 - Dr Ben Spigel

Gweithdy 2 - Sesiwn 2 | Dr Ben Spigel

Sesiwn 3 - Yr Athro Shiri Breznitz

Gweithdy 2 - Sesiwn 3 | Prof Shiri Breznitz

Sesiwn 4 - Yr Athro Robert Huggins Yr Athro Piers Thompson

Gweithdy 2 - Sesiwn 4 | Prof Robert H

Ymgysylltu

Dyfodol sgiliau yn rhan o’r pedwerydd chwyldro diwydiannol (Ysgol Haf Rithwir 2022)

Credir yn gyffredinol fod tarfu digidol yn trawsnewid pob agwedd ar yr economi a chymdeithas. Mae’r tarfu hwn i’w weld yn cael ei yrru gan ddatblygiadau ar draws meysydd rhyngddisgyblaethol, sy'n arwain at ddatblygiadau technolegol allweddol ym meysydd deallusrwydd artiffisial, roboteg, gweithgynhyrchu ychwanegion, bioleg synthetig, deunyddiau clyfar ac ati.

Diben y sesiwn hon yw archwilio gwahanol ddehongliadau o'r pedwerydd chwyldro diwydiannol a rôl technolegau digidol yn y gwaith o (ail-)lywio dyfodol gwaith, addysg a marchnadoedd llafur. Mae'r Athro Brown yn cyflwyno syniad o ‘brinder swyddi’ yn hytrach na ‘phrinder llafur’, nad yw'n dynodi diwedd gwaith ond yn hytrach yr angen i ailasesu polisïau cyhoeddus presennol yn drylwyr.

The future of skills in the fourth industrial revolution video

Arloesi ym maes caffael a rheoli'r gadwyn gyflenwi (Ysgol Haf Rithwir 2022)

'Arloesi yw'r safon newydd’ – mae sôn am arloesi ym mron pob dogfen strategaeth neu ddatganiad o werthoedd, fel petai. Os ydych yn weithiwr caffael proffesiynol neu’n gyflenwr, beth mae arloesi’n ei olygu i chi?

Yn ystod y sesiwn hon, bydd Jane ac Oishee yn amlinellu rhai o’r pethau sy’n galluogi neu’n rhwystro arloesi yng Nghymru.

Innovation in procurement and supply chain management video

Arwain meddyliau

Mewn cyfweliad â Business News Wales, trafododd yr Athro Rick Delbridge y ffocws wedi'i ailfywiogi ar arloesi yng Nghymru ac yn rhan o fentrau Ymchwil a Datblygu'r DU.

Er mwyn cyfrannu at y dadleuon hyn, aeth y Ganolfan Ymchwil Polisi Arloesedd ati’n ddiweddar i adolygu'r polisi arloesedd cyfredol yng Nghymru. Gwnaeth hyn ddatgelu awydd am agenda arloesi mwy uchelgeisiol a chynhwysol. Beth mae'r datblygiadau hyn yn ei olygu i Gymru a sut mae Prifysgol Caerdydd yn ymateb i'r rhain?

Gwrandewch ar yr Athro Delbridge ar bodlediad Business News Wales