Amdanom ni
Wedi'i leoli yn yr Is-adran Meddygaeth Seicolegol a Niwrowyddorau Clinigol ym Mhrifysgol Caerdydd, rydym yn gweithio gyda chanolfannau ymchwil o'r radd flaenaf fel Canolfan Geneteg a Genomeg Niwroseiciatrig, a'r Ganolfan Genedlaethol ar gyfer Iechyd Meddwl (NCMH).
Ein cenhadaeth yw deall yn well sut mae digwyddiadau atgenhedlol fel beichiogrwydd,y cylch mislif a heneiddio atgenhedlol yn effeithio ar iechyd meddwl. Yn benodol, mae ein rhaglen ymchwil yn canolbwyntio ar hyn o bryd ar pam mae rhai pobl yn datblygu salwch meddwl difrifol mewn perthynas â digwyddiadau atgenhedlol ond nad yw hynny’n digwydd gyda rhai eraill.
Dyma rai o'r cwestiynau rydym yn ceisio eu hateb:
- Pa ffactorau genetig sy'n cynyddu risg rhywun o brofi'r afiechydon hyn?
- Pa rannau o'ch datblygiad cynnar all gael effaith?
- Pa amgylchiadau amgylcheddol sy'n gwneud symptomau'n waeth?
Mae ein hymchwil yn bosibl oherwydd grant gan y Cyngor Ymchwil Ewropeaidd gan y rhaglen Ymchwil ac Arloesi, Horizon 2020. Dyfarnwyd €1.5m i Dr Arianna di Florio, prif ymchwilydd ein rhaglen, i gynnal yr astudiaeth enetig moleciwlaidd gyntaf o sensitifrwydd seiciatrig i newidiadau hormonau rhyw.
Iechyd meddwl atgenhedlol
Mae salwch meddwl atgenhedlol yn effeithio ar tua 5-15% o fenywod a phobl y nodwyd eu bod yn fenywod adeg eu geni (AFAB) ar ryw adeg yn eu bywydau.
Daw'r rhaglen hon ar adeg arwyddocaol pan fo'r amodau a'r materion hyn yn cael mwy o sylw, ac mae profiadau o ragor o fenywod a phobl AFAB yn cael eu cymryd o ddifrif.
Credwn yn yr arfer o ddod ag arbenigwyr ac unigolion o'r radd flaenaf at ei gilydd sydd â phrofiad personol i fynd i'r afael â'r cwestiynau anodd hyn.
Cydweithredwyr
Rydym yn cydweithio â chlinigwyr unigol, academyddion a grwpiau ymchwil yng Nghaerdydd a’r tu hwnt.
Ein prif gydweithwyr yn y Brifysgol yw:
Iechyd meddwl atgenhedlol
Mae salwch meddwl atgenhedlol yn effeithio ar tua 5-15% o fenywod a phobl y nodwyd eu bod yn fenywod adeg eu geni (AFAB) ar ryw adeg yn eu bywydau.
Daw'r rhaglen hon ar adeg arwyddocaol pan fo'r amodau a'r materion hyn yn cael mwy o sylw, ac mae profiadau o ragor o fenywod a phobl AFAB yn cael eu cymryd o ddifrif.
Credwn yn yr arfer o ddod ag arbenigwyr ac unigolion o'r radd flaenaf at ei gilydd sydd â phrofiad personol i fynd i'r afael â'r cwestiynau anodd hyn.
Cydweithredwyr
Rydym yn cydweithio â chlinigwyr unigol, academyddion a grwpiau ymchwil yng Nghaerdydd a’r tu hwnt.
Ein prif gydweithwyr yn y Brifysgol yw:
- Y Ganolfan Genedlaethol ar gyfer Iechyd Meddwl (NCMH)
- Canolfan ar gyfer Geneteg a Genomeg Niwroseiciatrig (CNGG)