Ymchwil
Rydym ni'n hwyluso'r gwaith o ddatgelu, diagnosio, monitro a thrin anhwylderau ar y golwg drwy ymchwil arloesol.
Rydym ni'n gwella gofal llygaid ac addysg i blant â syndrom Down, yn gweithio gyda pheirianwyr gofodol blaenllaw i ganfod camau cynharaf dirywiad macwlaidd yn gysylltiedig ag oed, yn creu ymchwil arloesol i ddeall trylowyder a datblygiad y cornbilen ac yn ymchwilio i ffyrdd newydd o drin clefydau fel cataractau.
Mae ein hymchwil yn canolbwyntio ar bedair thema:
Mae ein hymchwil yn perthyn i ddau fath o weithgaredd:
- Arbrofi gwyddonol sylfaenol yn y labordy ar y llygad a'r system weledol
- Ymchwil clinigol sy'n canolbwyntio ar y claf
Arbrofi gwyddonol sylfaenol ar y llygad a'r golwg yn y labordy
Rydym ni'n astudio technolegau a pheiriannau ymchwilio newydd ar gyfer cofnodi gweithrediad y golwg i gynorthwyo gyda chanfod problemau golwg a gwella ansawdd bywyd pobl sydd â nam ar y golwg.
Mae ein hymchwil yn y labordy'n bennaf ym meysydd bioleg strwythurol, bioleg celloedd (gan gynnwys meithrin celloedd), a niwrowyddorau. Mae cyfran sylweddol yn cynnwys golau a microsgopeg electron.
Ymchwil clinigol yn seiliedig ar y claf
Mae ein hacademyddion yn gweithio gyda gwirfoddolwyr sy'n canolbwyntio ar berfformiad gweledol gan gynnwys dylanwadau ffisiolegol-drydanol, niwrolegol, ymddygiadol a chymdeithasol ar y golwg. Rydym hefyd yn gweithio gyda chleifion mewnol i ymchwilio pathogenesis clefyd y llygaid.
Cydweithio
Mae ein hacademyddion yn gweithio gyda gwirfoddolwyr o Ysgolion eraill o fewn y Brifysgol yn ogystal â busnesau a sefydliadau eraill fel Prifysgol Bryste a Chynghrair GW4 (Great Western Alliance) sy'n cwmpasu Prifysgolion Caerfaddon a Chaerwysg. Mae hyn yn cynnwys cydweithio gydag academyddion eraill yn Sefydliad Peirianneg ac Atgyweirio Meinwe Prifysgol Caerdydd lle mae ymchwilwyr yn archwilio tryloywder a pheirianneg y cornbilen ac atgyweirio meinweoedd a rheolaeth angiogenesis. Rydym hefyd yn weithgar iawn ar lwyfan rhyngwladol ac yn cydweithio gyda phrifysgolion blaenllaw yng nghanoldir Ewrop, India, yr U.D. a Siapan.
Safon ymchwil
Graddiwyd dros 40% o'n cynhyrchion ymchwil yn 'rhagorol yn rhyngwladol' neu'n well yn yr Ymarfer Asesu Ymchwil 2008. O ganlyniad, cafodd ein hymchwil ei raddio ar y brig yn y DU ar gyfer y ganran ymchwil 4* a 3*.
Yn y REF (Fframwaith Rhagoriaeth Ymchwil) 2014 diweddar, cafodd yr Ysgol Optometreg a Gwyddorau Golwg ei asesu fel rhan o’r uned asesu ‘Allied Health’, ac enillodd y 4ydd safle yn y Du gyda safle amgylcheddol o 100% â 90% o’n hymchwil yn cael ei alw’n ‘eithriadol’ yn nhermau effaith.
Ymchwil Ol-raddedig
Mae ein rhaglen Ymchwil Israddedig yn darparu cyfleoedd i fyfyrwyr i ennill profiad o weithio gydag arweinwyr ymchwil byd-enwog, eu timoedd a’u cydweithredwyr, a gobeithio ennill y sgiliau angenrheidiol i ddilyn gyrfa academaidd ar ôl cwblhau.
