OPT063 - Prosiect Ymchwil
Mae'r modiwl hwn yn rhan orfodol o'r MSc mewn Optometreg Glinigol, lle byddwch yn cwblhau prosiect drwy astudiaeth uwch neu ymchwil.
Ar gyfer y modiwl hwn, mae rhaid i chi gwblhau prosiect ymchwil neu adolygiad llenyddiaeth systematig yn llwyddiannus mewn maes sy'n berthnasol i optometreg, ac ysgrifennu adroddiad (hyd at 20,000 o eiriau).
Gall myfyrwyr gynnig prosiectau ymchwil MSc neu gellir eu dewis o restr a ddarperir gan y staff. Cytunir ar y pwnc ar gyfer ymchwil rhwng arweinydd y modiwl, y goruchwyliwr(wyr) arfaethedig a'r myfyriwr.
| Dyddiad dechrau | Medi a Mawrth |
|---|---|
| Credydau | 60 credyd - pwyntiau CET ar gael |
| Tiwtoriaid y modiwl | Justyn Regini (Arweinydd) |
| Ffioedd dysgu (2024/25) | £4020 - Myfyrwyr cartref £7500 - Myfyrwyr rhyngwladol |
| Cod y modiwl | OPT063 |
Amcanion dysgu
Ar ôl cwblhau’r modiwl, dylech allu gwneud y canlynol:
- chwilio am wybodaeth briodol tra'n cynnal ymagwedd feirniadol at y llenyddiaeth sydd ar gael
- dangos arbenigedd yn eich maes pwnc dewisol
- dangos dealltwriaeth o fethodoleg ymchwil a dylunio astudiaethau
- dangos dealltwriaeth ddofn o'r technegau a'r rhesymeg a ddefnyddir yn eich ymchwil
- deall dadansoddi data arbrofol
- dangos ymwybyddiaeth o ddulliau ystadegol eraill o ddadansoddi data
- dangos dealltwriaeth o ganlyniadau a chasgliadau'r gwaith, a'i gyfyngiadau (fel y bo'n briodol)
- cysylltu’r canfyddiadau â rhai ymchwilwyr eraill ac arferion optometrig cyfredol
Dull cyflwyno’r modiwl
Mae astudio annibynnol yn hanfodol ar gyfer y modiwl hwn a chaiff ei gefnogi'n llawn gan y goruchwylwyr a thîm y cwrs.
Byddwch yn mynd i seminar ragarweiniol, gydag arweinydd y modiwl a'r darpar oruchwylwyr (goruchwylwyr) i esbonio'r modiwl a disgwyliadau'r goruchwyliwr/goruchwylwyr. Bydd amlder cyfathrebu a/neu’r cyfarfodydd rhyngoch chi a'r goruchwyliwr/goruchwylwyr yn cael ei bennu ar sail unigol - cyfathrebu rheolaidd gyda'ch goruchwyliwr/goruchwylwyr yw'r allwedd i lwyddiant.
Byddwch yn cael eich cyfeirio at adnoddau priodol a thestunau generig i gefnogi eich pwnc dewisol a'ch datblygiad sgiliau ymchwil. O'r dysgu cychwynnol hwn, bydd y cwestiwn ymchwil/adolygiad yn cael ei fireinio ymhellach, ac yna caiff y prosiect ymchwil ei ddatblygu.
Sgiliau y byddwch yn eu hymarfer a'u datblygu
Sgiliau academaidd
- Datblygu eich gwybodaeth a'ch dealltwriaeth eich hun
- Casglu ynghyd a chyfosod gwybodaeth o sawl adnodd i wella dysgu
- Ysgrifennu'n gryno ac yn glir ar gyfer y gymuned academaidd a chlinigol
- Dehongli data
Sgiliau cyffredinol
- Rheoli prosiectau ac amser
- Gweithio’n annibynnol
- Defnyddio ystod o becynnau meddalwedd TG ac adnoddau ar-lein
- Datrys problemau
Dull asesu’r modiwl
Cynhelir asesu ffurfiannol anffurfiol yn rheolaidd drwy gydol y prosiect, drwy gyfathrebu gyda goruchwyliwr/wyr a fydd yn cynnig adborth ar eich cynnydd.
Cynhelir yr asesiad (100%) ar ddiwedd y modiwl pan gyflwynir adroddiad prosiect ysgrifenedig o fewn yr amserlen a gytunir. Bydd y goruchwyliwr yn arholi hwn a chaiff ei farcio hefyd gan aelod arall o staff yn yr Ysgol Optometreg a Gwyddorau'r Golwg. Bydd y Bwrdd Arholiadau Ôl-raddedig a Addysgir yn cymeradwyo'r dyfarniad terfynol (mewn ymgynghoriad a'r Arholwyr Allanol).
Y safon a ddisgwylir mewn prosiectau ymchwil yw'r un sy'n dangos bod y myfyriwr yn bodloni'r meini prawf ar gyfer cymhwyster ar lefel 7, fel y nodir gan feincnodau'r QAA.
