OPT040 - Lensys Cyffwrdd 1
Nod y modiwl hwn yw gwella eich gwybodaeth a’ch sgiliau fel y gallwch ddarparu safon uwch o ofal lensys cyffwrdd.
Mae'r modiwl hwn yn ddelfrydol ar gyfer y rhai sydd â phrofiad cyfyngedig o lensys cyffwrdd, neu sy'n awyddus i adnewyddu eu sgiliau neu wella eu hyder mewn gwahanol feysydd o ymarfer lensys cyffwrdd .
| Dyddiad dechrau | Medi |
|---|---|
| Credydau | 10 credyd |
| Rhagofynion | Dim |
| Tiwtoriaid y modiwl | Jenni Turner (Arweinydd) |
| Ffioedd dysgu (2024/25) | £670 - Myfyrwyr cartref £1250 - Myfyrwyr rhyngwladol |
| Cod y modiwl | OPT040 |
Amcanion dysgu
Ar ôl cwblhau’r modiwl, dylech allu gwneud y canlynol:
- Bod â gwybodaeth fanwl am ddylunio a gweithgynhyrchu lensys ar gyfer lensys hydrogel a RGP a gwybod sut i ffitio ac asesu ystod o ddyluniadau lensys
- Gwybod sut i ffitio ystod o lensys cyffwrdd i gywiro astigmatedd rheolaidd ac afreolaidd (fel ceratoconws cynnar neu ôl-impiad)
- Gwybod sut i ffitio ystod o lensys cyffwrdd i gywiro presbyopia
- Deall sut y gellir defnyddio lensys cyffwrdd i reoli myopia
- Nodi, asesu a rheoli effaith cymhlethdodau lensys cyffwrdd ar flaen y llygad
- Gallu rheoli'r llygad sych mewn ymarfer lensys cyffwrdd
Dull cyflwyno’r modiwl
Dysgir y modiwl hwn trwy diwtorialau a darlithoedd Xerte (Pwerbwynt â sain) a gyflwynir drwy Dysgu Canolog, sef system e-ddysgu'r Brifysgol, gan ddarparu adnoddau a chyfeirnodau ategol. Mae gweminar ragarweiniol, a thair sesiwn weminar arall o ddysgu ar-lein dan arweiniad.
Modiwl dysgu o bell yn unig yw’r modiwl hwn.
Sgiliau a gaiff eu hymarfer a'u datblygu
Sgiliau academaidd
- Datblygu eich gwybodaeth a'ch dealltwriaeth eich hun
- Casglu ynghyd a chyfosod gwybodaeth o sawl adnodd i wella dysgu
- Ysgrifennu'n gryno ac yn glir ar gyfer y gymuned academaidd a chlinigol
- Dehongli data
Sgiliau cyffredinol
- Rheoli prosiectau ac amser
- Gweithio’n annibynnol
- Defnyddio ystod o becynnau meddalwedd TG ac adnoddau ar-lein
- Datrys problemau
Cynnwys y maes llafur
- Dylunio a gweithgynhyrchu lensys RGP a hydrogel:
- Ffitio RGP:
- Astigmatedd rheolaidd ac afreolaidd
- Lensys cyffwrdd ar gyfer presbyopia
- Lensys cyffwrdd ar gyfer astigmatedd
- Lensys cyffwrdd ar gyfer rheoli myopia ac orthoceratoleg
- Cymhlethdodau lensys cyffwrdd ar flaen y llygad, gan gynnwys, ond heb eu cyfyngu, i’r canlynol:
- Llygaid sych a lensys cyffwrdd
Dull asesu’r modiwl
Asesiad ffurfiannol
Byddwch yn gallu asesu eich cynnydd eich hun drwy gydol y cwrs gyda set o senarios nodweddion allweddol ac un set o senarios achosion rheoli. Nid yw'r marc ar gyfer y rhain yn cyfrif tuag at y radd derfynol.
Asesiad crynodol
Arholiad Ar-lein 100%: Mae hyn yn cynnwys cyfres o gydnabyddiaethau nodweddion allweddol ac asesiadau senario achos rheoli, a bydd yn asesu dealltwriaeth a chymhwysiad y wybodaeth rheoli clinigol a gafwyd drwy gydol y cwrs.
