OPT034: Therapiwteg Ocwlar

Nod y modiwl hwn yw rhoi'r wybodaeth a’r sgiliau i chi ddarparu therapiwteg ocwlar o ansawdd uchel.

Ynghyd ag OPT035 ac OPT036, mae'r modiwl hwn wedi'i achredu gan y Cyngor Optegol Cyffredinol ar gyfer y Cymhwyster Rhagnodi Annibynnol.

Dim ond yn rhan o'r Dystysgrif Ôl-raddedig 60 credyd llawn mewn Rhagnodi Therapiwtig y mae modd astudio'r modiwl hwn, ond efallai y bydd yn bosibl cymhwyso credydau o'r dyfarniad hwn i'r diploma MSc neu ôl-raddedig mewn Optometreg Glinigol.

Amcanion dysgu

Ar ôl cwblhau’r modiwl yn llwyddiannus, dylech allu gwneud y canlynol:

• Arddangos gwybodaeth fanwl am anatomi a ffisioleg blaen y llygad a’r rhithbilennau
• Arddangos gwybodaeth fanwl am gyffuriau therapiwtig ocwlar
• Gwerthuso'r prif arwyddion a symptomau sy'n debygol o fod yn gysylltiedig â mathau cyffredin a llai cyffredin o glefyd blaen y llygaid a chynnal ymchwiliadau offthalmig priodol
• Cymhwyso gwybodaeth am y theori a'r arfer sy'n ymwneud â'r epidemioleg, y patholeg a’r driniaeth (drwy ymyrraeth â chyffuriau neu drwy lawfeddygaeth) fel sy'n berthnasol i gyflyrau ocwlar annormal
• Arddangos gwybodaeth fanwl am bathoffisioleg, nodweddion clinigol a chwrs naturiol y cyflyrau sy'n cael eu trin
• Asesu arwyddion a symptomau clefyd blaen y llygaid i wneud diagnosis gwahaniaethol ac i raddio opsiynau
• Llunio, argymell a chyfiawnhau drwy ddarparu tystiolaeth o arfarnu'r llenyddiaeth a chynllun rheoli priodol
• Gwerthuso ymateb clefyd blaen y llygaid i driniaeth, adolygu'r gwaith a'r diagnosis gwahaniaethol, a dewis diwygio'r cynllun diagnosis a rheoli ai peidio, gan gyfiawnhau ac esbonio'r dewis(iadau) a wneir
• Gwerthuso ymateb clefyd blaen y llygaid i driniaeth, a dewis adolygu'r diagnosis gwahaniaethol, a dewis diwygio'r cynllun diagnosis a rheoli ai peidio, gan gyfiawnhau ac esbonio'r dewis(iadau) a wneir

Dull cyflwyno’r modiwl

Mae'r modiwl hwn yn cynnwys diwrnod addysgu cyswllt wyneb yn wyneb tuag at ddechrau'r modiwl (yn ddibynnol ar gyfyngiadau COVID-19) sy'n cynnwys sesiwn ryngweithiol sy'n seiliedig ar achosion. Mae astudiaethau'n parhau gyda chyfres o erthyglau a darlithoedd dysgu o bell a gyflwynir ar Dysgu Canolog. Mae trafodaethau achos rhyngweithiol ac addysgu eraill yn rhan o weminarau.

Mae dau sesiwn gyswllt i gyd sy'n cynnwys y diwrnod addysgu cyswllt tuag at ddechrau'r modiwl, ac arholiad ar-lein a gynhelir o bell ar ddiwedd y modiwl h.y. ar ddiwedd semester un.

Sgiliau a fydd yn cael eu hymarfer a'u datblygu

Sgiliau academaidd

• Gwella ein gwybodaeth a’n dealltwriaeth
• Casglu ynghyd a chyfosod gwybodaeth o sawl adnodd i wella dysgu
• Ysgrifennu'n gryno ac yn glir ar gyfer y gymuned academaidd a chlinigol
• Dehongli data

Sgiliau cyffredinol

• Rheoli prosiectau ac amser
• Gweithio’n annibynnol
• Defnyddio ystod o becynnau meddalwedd TG ac adnoddau ar-lein
• Datrys problemau

Cynnwys y maes llafur

• Trosolwg o Ragnodi Annibynnol
• Egwyddorion sylfaenol therapiwteg ocwlar
• Trwyddedu, arwyddion, gwrthrybuddion a rhagofalon
• Gwybodaeth am anatomi a ffisioleg blaen y llygad a’r rhithbilennau
• Ffarmacoleg ocwlar glinigol
• Cyffuriau a ddefnyddir wrth drin clefyd blaen y llygad
• Cyflwyniad i ficrobioleg
• Cyflwyniad i imiwnoleg ac alergeddau
• Blepharitis a chyflyrau eraill yr amrannau
• Llid pilen y llygad heintus
• Clefyd y llygad alergaidd
• Keratitis
• Uveitis
• Anhwylderau’r haen ddagrau a llygaid sych
• Trawma i’r cornea
• Argyfyngau offthalmig a diagnosis gwahaniaethol

Sut caiff y modiwl ei asesu

Byddwch yn cael eich argymell i ymgymryd â gweithgareddau ffurfiannol a gyflwynir ar-lein, a chyflwyno adroddiad achos ffurfiannol i gael adborth cyn yr adroddiad achos crynodol.

• Prawf ar-lein (65%): Bydd arholiad ysgrifenedig o ddwy awr ar ddiwedd y semester.
• Adroddiad achos (35%): Bydd myfyrwyr yn cyflwyno adroddiad achos estynedig ar drin cyflwr blaen y llygad.