OPT005: Gofal Llygaid Acíwt 2
Nod y modiwl hwn yw rhoi cyfle i chi wella eich sgiliau mewn ymarfer gofal llygaid acíwt at lefel uwch.
Ar y modiwl hwn, byddwch yn defnyddio offeryniaeth ddatblygedig ymchwilio i rai achosion problemau llygaid acíwt a gweithio drwy senarios hanes achos sy'n adlewyrchu enghreifftiau datblygedig, anarferol a chymysg o gyflyrau llygaid acíwt yn ymarferol, gyda phwyslais ar hyfforddiant sgiliau ymarferol.
| Dyddiad dechrau | Mawrth |
|---|---|
| Hyd | 25 o oriau cyswllt dros un tymor academaidd |
| Credydau | 10 credyd - pwyntiau CET ar gael |
| Rhagofynion | OPT004 |
| Tiwtoriaid y modiwl | Nik Sheen (Arweinydd) Nita Odedra |
| Ffioedd dysgu (2023/24) | £650 - Myfyrwyr o'r DU a'r UE £1215 - Myfyrwyr o'r tu allan i'r UE |
| Cod y modiwl | OPT005 |
Mae pwyntiau CET ar gael ar ôl cwblhau elfennau perthnasol o'r modiwl.
Bydd dau ddiwrnod ymarferol/cyswllt sy’n gofyn am bresenoldeb yng Nghaerdydd.
Ar ôl cwblhau’r modiwl, dylech chi allu gwneud y canlynol:
- gwerthuso a chymhwyso cysyniadau allweddol modern o ofal llygaid acíwt a gallu eu cymhwyso i heriau yn eich amgylchedd a'ch ymarfer.
- archwilio, dadansoddi’n feirniadol, cyfosod a gwerthuso llenyddiaeth sy'n seiliedig ar dystiolaeth, canllawiau clinigol a theorïau sylfaenol ym maes ymarfer gofal llygaid acíwt i asesu arferion a dulliau rheoli yn y maes hwn
- mynd i'r afael â budd gwaith tîm rhyngbroffesiynol wrth ddarparu gofal llygaid acíwt mewn optometreg a myfyrio arno
- cyflwyno dadleuon cytbwys a gwybodus, gan ymgorffori barn a phenderfyniadau beirniadol
- myfyrio'n effeithiol ar ddysgu a'i werthuso.
- asesu arwyddion a symptomau cyflyrau llygaid acíwt i wneud diagnosis gwahaniaethol ac i raddio opsiynau i’w rheoli
- datrys problemau a datblygu atebion/cynlluniau rheoli mewn achosion cymhleth ag ymgyflwyniad acíwt yn seiliedig ar dystiolaeth a barn broffesiynol a chlinigol gadarn
Addysgir y modiwl hwn drwy sesiynau dysgu dan arweiniad ar-lein trwy ddarlithoedd Xerte, podlediadau gydag arbenigwyr a dysgu rhyngweithiol trwy weminarau.
Mae diwrnod cyswllt hefyd yng Nghaerdydd a fydd yn cynnwys dysgu yn seiliedig ar achosion a gweithdai ymarferol ar sgiliau ymarferol perthnasol ar gyfer gofal llygaid acíwt. Bydd yr union drefniadau ar gyfer sesiynau ymarferol yn dibynnu ar ganllawiau COVID-19 ar y pryd.
Bydd byrddau trafod y gellir eu cyrchu trwy Dysgu Canolog yn rhoi llwyfan i chi drafod unrhyw gwestiynau neu ymholiadau a ddaw i fyny drwy gydol y tymor gyda thiwtoriaid y cwrs a'ch cyd-fyfyrwyr.
- Ymgyflwyniadau acíwt cyffredin i ymarfer optometrig
- Diagnosis gwahaniaethol a chynlluniau rheoli problemau llygaid acíwt
- Brysbennu a rheoli achosion o drawma ocwlar
- Dulliau ac offeryniaeth briodol ar gyfer tynnu pethau dieithr
- Offeryniaeth a thechnegau a ddefnyddir wrth archwilio ac asesu toriadau a datgysylltiadau retinol.
- Ymchwilio i heterophoria a heterotropia
Sgiliau academaidd
- Coladu gwybodaeth o nifer o adnoddau i wella dysgu
- Datblygu gwybodaeth a dealltwriaeth eich hun i lefel uwch
Sgiliau pwnc-benodol
- Gwella technegau archwilio clinigol
- Datblygu sgiliau ymarferol i asesu a rheoli pobl â phroblemau llygaid acíwt
- Llwybrau atgyfeirio priodol ar gyfer problemau llygaid acíwt
Sgiliau cyffredinol
- Rheoli amser
- Gweithio’n annibynnol
- Datrys problemau
- Sgiliau cyfathrebu
Mae'r modiwl hwn yn cynnwys asesiadau ffurfiannol a chrynodol. Mae asesiad ffurfiannol yn cynnwys cyflwyno adroddiad achos ar gyfer adborth.
Crynodol
Gwaith Cwrs Ysgrifenedig (33.3%): Bydd myfyrwyr yn cyflwyno darn o waith cwrs ysgrifenedig
Prawf ar-lein (66.7%). Bydd myfyrwyr yn ateb cwestiynau gan gynnwys rhai ag atebion lluosog, yr un ateb gorau ac atebion byr.
