Ymchwil Trais: Rhwydwaith Gwyliadwriaeth Trais Cenedlaethol

Mae gan y Rhwydwaith Cenedlaethol ar gyfer Gwyliadwriaeth Trais dros 100 (o fathau 1, 2 a 4) o adrannau argyfwng yng Nghymru a Lloegr sy’n casglu data ar ymweliadau sy’n gysylltiedig â thrais bob blwyddyn.

Mae’r data’n cael eu trefnu yn ôl dyddiad ymweld, grŵp oedran a rhyw ac yn cael eu defnyddio i astudio cyfraddau a thueddiadau mewn trais.

Yn draddodiadol, ystadegau trais swyddogol yr heddlu ac arolygon trais fu’r unig ffynonellau cenedlaethol o wybodaeth am droseddau treisgar yng Nghymru a Lloegr.

Mae nifer o astudiaethau un ganolfan mewn adrannau argyfwng lleol wedi dangos ei bod yn bosibl mesur trais gan ddefnyddio data adrannau argyfwng. O safbwynt iechyd y cyhoedd, dyma gam hanfodol i fireinio ffynhonnell ddata genedlaethol sy’n seiliedig ar y GIG i nodi tueddiadau lleol a chenedlaethol mewn trais cymunedol.

Dechreuodd y prosiect yn 2002, ac mae’n dal i fynd rhagddo. Mae'n ymarfer blynyddol, ac mae adroddiad yn cael ei gyhoeddi bob mis Ebrill. Cyrhaeddodd y Rhwydwaith Cenedlaethol ar gyfer Gwyliadwriaeth Trais garreg filltir bwysig yn 2025 drwy gael ei ardystio’n rhwydwaith sy’n cydymffurfio â Chôd Ymarfer Awdurdod Ystadegau’r DU ar gyfer Ystadegau.

Mae’r gydnabyddiaeth hon yn tanlinellu ymrwymiad y rhwydwaith i gynhyrchu data cywir a thryloyw o ansawdd uchel ar dueddiadau mewn trais yng Nghymru a Lloegr.

Nodau’r prosiect hwn yw:

• astudio tueddiadau mewn trais cymunedol yng Nghymru a Lloegr o safbwynt anafiadau
• ategu dwy ffynhonnell genedlaethol arall:
  • Arolwg Troseddu Cymru a Lloegr
  • Cofnodion yr heddlu

Cyrhaeddodd y Rhwydwaith Cenedlaethol ar gyfer Gwyliadwriaeth Trais garreg filltir bwysig yn 2025 drwy gael ei ardystio’n rhwydwaith sy’n cydymffurfio â Chôd Ymarfer Awdurdod Ystadegau’r DU ar gyfer Ystadegau.

Mae’r gydnabyddiaeth hon yn tanlinellu ymrwymiad y Rhwydwaith i gynhyrchu data cywir, tryloyw o ansawdd uchel ar dueddiadau mewn trais yng Nghymru a Lloegr.

Darllenwch yr adroddiadau diweddaraf

Ymchwilwyr

Prif ymchwilydd

• Yr Athro Vaseekaran Sivarajasingam

Cyd-ymchwilwyr

• Damian Franell
• Yr Athro Simon Moore

Tîm ymchwil

Mae'r tim ymchwil yn cynnwys:

• Yr Athro Jonathan Shepherd
• Dr Nicholas Page