Rhwydwaith Planhigion ar gyfer y Dyfodol

Rydym yn gymuned ymchwil weithredol o fwy na 20 o academyddion, cymrodyr, ymchwilwyr ar ddechrau eu gyrfa a myfyrwyr sydd â diddordebau cyffredin mewn planhigion a’u rôl yn ein bywyd bob dydd.

Mae planhigion yn hanfodol i'n hecosystem, gan ddarparu sicrwydd bwyd a phorthiant i ni, yn ogystal â llawer o adnoddau hanfodol eraill megis deunyddiau adeiladu, ffibrau a fferyllol. Gyda phoblogaeth byd sy'n tyfu a hinsawdd sy’n newid, mae’n fwyfwy pwysig ein bod yn deall y genynnau sy'n rheoli eu datblygiad ac sy’n pennu pensaernïaeth planhigion, y mecanweithiau sy'n rheoli eu hatgynhyrchiad, sut maen nhw'n cyfathrebu â'u hamgylchedd ac yn ymateb i straen.

Amcanion

Ein nod yw dod ag ymchwil bioleg planhigion at ei gilydd yng Nghaerdydd i gwmpasu ystod gyfan o raddfeydd, o rannu celloedd i ecosystemau, gan rannu arbenigedd o dechnegau modelu moleciwlaidd, ffisiolegol a biocemegol newydd.

Rydym wedi sicrhau miliynau o bunnoedd mewn cyllid gan gynghorau ymchwil, y diwydiant ac elusennau er mwyn ymchwilio i bynciau sy’n amrywio o fioleg celloedd sylfaenol, gwydnwch cnydau, straen yn dilyn cynaeafu a dulliau newydd o gynhyrchu cynhyrchion naturiol gwerth uchel yn Affrica Is-Sahara.

Mae ein hymchwil yn cael ei chefnogi gan Hyb Technoleg Twf Planhigion pwrpasol a’i dosbarthu’n ddeg grŵp sy’n cael eu harwain gan:

• Dr Walter Dewitte
• Dr Barend de Graaf
• Dr Verônica Grieneisen
• Yr Athro John Harwood
• Dr Angharad Jones
• Dr Tamara Lechón Gómez
• Yr Athro Jim Murray
• Yr Athro Hilary Rogers
• Dr Julia Sanchez Villas
• Dr Simon Scofield

Rydym yn croesawu ffyrdd darpar gymrodyr a myfyrwyr PhD a ariennir o gynnal eu hymchwil ac ehangu ein hymchwil hanfodol ar blanhigion.

Prosiectau

Mae ein prosiectau’n cynnwys:

• Rheoliad agoriad blodau mewn lilis a sut y gallwn reoli hyn i wella ansawdd ôl cynaeafu (Ysgoloriaeth Ymchwil SWBio DTP – Yr Athro Hilary Rogers)
• Rheolaeth epigeneteg o fetaboledd eilaidd mefus - ffrwythau bach gyda genom cymhleth (Ysgoloriaeth Ymchwil SWBio DTP - Yr Athro Hilary Rogers)
• Future Forages: goblygiadau addasu porthiant i newid hinsawdd ar gyfer cynhyrchu anifeiliaid cnoi cil (BBSRC – Yr Athro Hilary Rogers)
• Cof Straen: Mecanweithiau i reoleiddio effeithiau straen cyn-gynaeafu ar ansawdd salad roced ôl-gynaeafu. (Prosiect PhD, Llywodraeth Saudi Arabia– Yr Athro Hilary Rogers)
• Datblygu adnodd cynorthwyo ar benderfyniadau i leihau blaenau asbaragws yn y DU (Innovate UK – Yr Athro Hilary Rogers)
• Dull aml-nodwedd o wella ansawdd ffrwythau mewn amodau storio ôl-gynhaeaf (FRUITY) (Fondazione del Sud – Yr Eidal – Yr Athro Hilary Rogers)
• Cyfathrebu Paill-Pistil: mae'n cymryd dau, o adnabod i ffrwythloni a gosod hadau (Dr Barend de Graaf)
• Swyddogaeth homologau S-Protein (SPHs) - grŵp mawr o beptidau signalau hynod amrywiol mewn planhigion - yn ystod Atgenhedlu Planhigion (Dr Barend de Graaf)
• Dadorchuddio rôl miRNA sy'n benodol i rywogaethau mewn datblygiad blodau ac yn ystod Atgenhedlu Planhigion (Dr Barend de Graaf)
• Mae maint yn bwysig: dull systemau o ddeall rheoli maint celloedd mewn meinwe sy'n datblygu (BBSRC – Yr Athro Jim Murray, Dr Angharad Jones)
• Y Meristem mewn Cyd-destun: dull systemau aml-lefel o wella twf planhigion o dan amgylcheddau sy’n newid (UKRI FLF – Dr Angharad Jones)
• Size Matters: a systems approach to understanding cell size control in a developing tissue (BBSRC – Professor Jim Murray, Dr Angharad Jones)
• The Meristem in Context: a multilevel systems approach to improving plant growth under changeable environments  (UKRI FLF – Dr Angharad Jones)
• Trin cnydau i gynhyrchu mwy o olew (Prifysgol Fedyddiedig Hong Kong (Baptist University of Hong Kong - Yr Athro John Harwood, Dr Simon Scofield)
• Asidau brasterog planhigol ac algaidd er iechyd gwell (Swyddfa Ymchwil Amaethyddol, Ynysoedd Philippines, Philippines - Y Athro John Harwood)
• Newidiadau mewn mynegiant genynnau wrth ddatblygu ffrwythau olew palmwydd (Bwrdd Olew Palmwydd Malaysia - Yr Athro John Harwood)
• Halogi salad â listeria – gwella diogelwch bwyd drwy ddeall sut mae planhigion a bacteria’n rhyngweithio â’i gilydd a datblygu dulliau canfod newydd (ysgoloriaeth Partneriaeth Hyfforddiant Doethurol SWBio - Yr Athro Hilary Rogers, Dr Cedric Berger, Dr Carsten Müller)
• Cysylltu cellraniadau a gwaith hormonau i sicrhau morffogenesis mewn planhigion (Dr Walter Dewitte)
• Swyddogaeth syclinau math D yn y llinach stomataidd (Dr Walter Dewitte)
• Bioleg systemau i ddeall dynameg rhwydwaith G1/S (Dr Walter Dewitte)
• Peirianneg fetabolaidd mewn planhigion mintys: cynhyrchu mwy o olew naws drwy drin llwybrau biosynthetig yn enetig (Partneriaeth Hyfforddiant Doethurol SWBio y Cyngor Ymchwil Biodechnoleg a’r Gwyddorau Biolegol - Dr Simon Scofield, yr Athro John Pickett)
• Gwneud y mwyaf o fetabolion mintys er mwyn gwella iechyd a ffyniant economaidd yn Uganda (Cronfa Ymchwil Heriau Byd-eang Ymchwil ac Arloesedd y DU – Dr Simon Scofield)
• Transcriptional landscaping in plant stem cells: from chromatin to gene regulatory networks (BBSRC SWBIO DTP - Dr Simon Scofield, Dr Tamara Lechón Gómez, yr athro Jim Murray)
• Astudio biosynthesis asid brasterog mewn rêp drwy ddefnyddio dulliau proffilio trosiadol a thrin trawsenynnol (Partneriaeth Hyfforddiant Doethurol SWBio y Cyngor Ymchwil Biodechnoleg a’r Gwyddorau Biolegol – Dr Simon Scofield, yr athro John Harwood, Dr Tamara Lechón Gómez)
• Datblygu planhigion fel system fynegiant ar gyfer sianeli ïonau mamalaidd (Partneriaeth Hyfforddiant Doethurol SWBio y Cyngor Ymchwil Biodechnoleg a’r Gwyddorau Biolegol - Dr Mark Young, Dr Simon Scofield)