Partneriaeth Polisi ac Arloesi’n Lleol ar gyfer y Gymru Wledig

Mae Partneriaeth Polisi ac Arloesi’n Lleol ar gyfer y Gymru Wledig yn dwyn ynghyd ymchwilwyr, rhanddeiliaid a chymunedau i gynhyrchu, rhannu a defnyddio tystiolaeth i wella polisiau ac arloesi’n lleol er mwyn cynnal gwaith datblygu mewn ffordd gynhwysol a chynaliadwy yng nghefn gwlad Cymru.

Amdanon ni

Mae Partneriaeth Polisi ac Arloesi’n Lleol ar gyfer y Gymru Wledig yn dwyn ynghyd ymchwilwyr, rhanddeiliaid a chymunedau i gynhyrchu, rhannu a defnyddio tystiolaeth i wella polisïau ac arloesi’n lleol er mwyn cynnal gwaith datblygu mewn ffordd gynhwysol a chynaliadwy yng nghefn gwlad Cymru.

Gan ddilyn dull deinamig, integredig a rhyng-sectorol, nod Partneriaeth Polisi ac Arloesi Lleol ar gyfer Cymru Wledig yw:

Ehangu a gwella'r sylfaen dystiolaeth, mynd i'r afael â bylchau mewn data a gwella hygyrchedd drwy Hwb Tystiolaeth Integredig Ar-lein.
Gwneud lleisiau cymunedau amrywiol yn y rhanbarth yn fwy amlwg a chynyddu eu hymgysylltiad â’r broses o lunio a gweithredu polisïau trwy gefnogi ymchwil gweithredu cymunedol i ddatblygu sylfaen dystiolaeth ar faterion sy’n flaenoriaeth iddyn nhw.
Cryfhau galluoedd sefydliadau lleol a rhanbarthol i lunio a chynnig atebion arloesol sy'n seiliedig ar dystiolaeth i broblemau polisi wedi'u haddasu i gyd-destun unigryw y Gymru wledig.
Nodi a hyrwyddo gwersi a chanlyniadau y gellir eu haddasu a’u trosglwyddo i ranbarthau gwledig a rhanbarthau eraill nad ydynt yn rhai gwledig.