Asesiadau Gwella Gwerth Cymdeithasol: Cyd-gynhyrchu Offeryn ar gyfer Gwerthuso Seilwaith Cymdeithasol â Dangosyddion Iechyd a Lles (2024-25)

Amdanon ni

Mae’r prosiect hwn yn dwysáu ein gwaith ar y cyd ag Awdurdod Llundain Fwyaf (GLA) a Bwrdeistref Llundain Camden i gyd-gynhyrchu offeryn asesu i werthuso gwerth cymdeithasol seilwaith cymdeithasol (SI).

Mae’r prosiect, sy’n adeiladu ar offeryn SOCIAL-US a ddatblygwyd eisoes gan y tîm ymchwil, yn ymgorffori dangosyddion iechyd a lles yn ogystal â dimensiynau cydlyniant cymdeithasol ac ansawdd lleoedd. Bydd yr offeryn yn cael ei dreialu mewn llyfrgelloedd a pharciau er mwyn sicrhau ei fod yn gymwys, ac yna'n cael ei fireinio i fformat hawdd ei ddefnyddio ar y we a fydd yn cael ei gynnal ar blatfform Awdurdod Llundain Fwyaf.

Mae'r fenter hon yn hybu’r gwaith o gyfnewid gwybodaeth, yn cryfhau partneriaethau, ac yn cefnogi polisïau sy'n seiliedig ar dystiolaeth sy'n cyd-fynd ag agendâu Llundain ar integreiddio cymdeithasol ac iechyd.

Gwybodaeth allweddol

Dyddiad dechrau: 01/12/24
Dyddiad gorffen: 31/07/2025
Swm y cyllid a'r cyllidwr yw £5000, sydd wedi’i ariannu’n rhannol gan Gynllun Absenoldeb Ymchwil y Prifysgolion ynghyd â’r Cyngor Ymchwil Economaidd a Chymdeithasol (ESRC) Lleoliadau Cyfnewid Gwybodaeth a Chynllun Secondiadau Cyfrif Cyflymu Effaith (IAA KEPSs). Bydd arian ychwanegol yn dod o'r ESRC.

Nodau

Gwella SOCIAL-US gyda Metrigau Cyfannol: Ymgorffori dangosyddion ar werth cymdeithasol, iechyd a lles yn yr offeryn asesu er mwyn caniatáu gwerthusiadau trylwyr o ddeilliannau seilwaith cymdeithasol.
Mynd i’r afael â’r bylchau a nodwyd: Ehangu ffocws yr offeryn y tu hwnt i gydlyniant cymdeithasol i gynnwys mesurau ehangach, megis mynediad i fannau gwyrdd, cyfleusterau hamdden, ansawdd aer, cymorth iechyd meddwl, a chynwysoldeb.
Cyd-gynhyrchu atebion gyda rhanddeiliaid: Cydweithio gydag Awdurdod Llundain Fwyaf, Bwrdeistref Camden, a rhanddeiliaid allweddol – gan gynnwys adrannau Llyfrgelloedd a Hamdden – i fireinio a dilysu’r offeryn.
Treialu a phrofi’r offeryn gwell: Cymhwyso’r asesiad SOCIAL-US diweddar mewn dau safle treialu (Llyfrgell Kentish Town a Talacre Gardens) i ddadansoddi cydlyniant cymdeithasol, ansawdd lle, a dangosyddion sy’n gysylltiedig ag iechyd, gan sicrhau defnyddioldeb a chadernid.
Hwyluso Cyfnewid Gwybodaeth a Mabwysiadu: Cynnal gweithdai, datblygu astudiaethau achos, a chynhyrchu dogfen ganllaw ar-lein i hyrwyddo gweithrediad yr offeryn ar draws bwrdeistrefi Llundain a thu hwnt.
Datblygu Gwasanaeth Digidol Ehangach: Creu fersiwn o’r offeryn ar y we, sy’n cael ei chynnal ar blatfform Awdurdod Llundain Fwyaf, i sicrhau hygyrchedd a hwyluso’r gwaith o gydweithio a rhannu gwybodaeth rhwng bwrdeistrefi.
Ysgogi Polisïau a Rhoi Newid ar Waith: Cefnogi’r broses o lunio polisïau sy’n seiliedig ar dystiolaeth drwy wreiddio gwerthusiadau o’r seilwaith cymdeithasol yn arferion yr awdurdodau lleol, hyrwyddo ymgysylltu â’r gymuned, ac annog cydweithredu rhwng bwrdeistrefi i wella cynllunio, rheoli a chyllid y seilwaith cymdeithasol.