Cymdogaethau yn unig? Tangynrychiolaeth ym maes cynllunio a arweinir gan y gymuned yn y DU
Bydd y prosiect hwn yn ymchwilio i gynllunio a arweinir gan y gymuned ym mhedair gwlad y DU, gan ganolbwyntio ar ardaloedd lleol lle mae'r nifer sy'n manteisio ar y mentrau hyn yn llai na’r arfer.
Amdanon ni
Mae cynllunio a arweinir gan y gymuned yn cyfeirio at weithgareddau defnyddio tir neu gynllunio gofodol sy’n cael eu harwain (neu sydd o leiaf yn cael eu llywio) gan aelodau o'r gymuned yn hytrach na gweithwyr cynllunio proffesiynol. Eu diben yw ysgogi cymunedau lleol i helpu i lywio dyfodol eu cymdogaeth.
Er gwaethaf yr angen brys am fwy o gyfiawnder cymdeithasol ac amgylcheddol, mae’r cysylltiad rhwng gwneud y broses gynllunio yn fwy democrataidd yn y modd hwn a chyflawni canlyniadau cyfiawn yn aneglur. Mae pryderon wedi cael eu codi ynghylch cynrychiolaeth, cynhwysiant ac atebolrwydd, yn enwedig mewn mannau lle mae cynllunio a arweinir gan y gymuned wedi bod yn llai llwyddiannus yn gyffredinol.
Bydd y prosiect hwn yn ymchwilio i gynllunio a arweinir gan y gymuned ym mhedair gwlad y DU, gan ganolbwyntio ar ardaloedd lleol lle mae'r nifer sy'n manteisio ar y mentrau hyn yn llai na’r arfer.
Dyddiadau a chyllid
- Dyddiad dechrau: Medi 2023
- Dyddiad gorffen: Chwefror 2026
- Swm y cyllid a’r cyllidwr: £269,614. Sefydliad Nuffield
Nodau
- Ymchwilio i’r ddealltwriaeth o gyfiawnder cymdeithasol ac amgylcheddol ymhlith cymunedau dethol ledled y DU
- Ymchwilio i natur cynrychiolaeth a chynwysoldeb mewn mannau cynllunio a arweinir gan y gymuned a'i pherthynas â chanlyniadau
- Deall sut mae cynllunio a arweinir gan y gymuned o ran ei ddiben, y broses a’r arfer yn llywio ffurfiau a chanlyniadau’r gweithgareddau
- Asesu gwerth ychwanegol arddangosfeydd cynllunio dan arweiniad y gymuned mewn perthynas â chanlyniadau cyfiawnder cymdeithasol ac amgylcheddol
- Rhannu canllawiau arfer gorau â chymunedau, y llywodraeth, ac eraill sy'n ymwneud â llywio ac ymarfer cynllunio a arweinir gan y gymuned.
Tîm y prosiect
- Yr Athro Gavin Parker, Prifysgol Reading
- Yr Athro John Sturzaker, Prifysgol Swydd Hertford
- Dr Tessa Lynn, Prifysgol Reading