Cyfleusterau ac offer

Mae RemakerSpace yn gartref i'r offer argraffu 3D diwydiannol diweddaraf, ac mae'n cynnwys offer ailddefnyddio, ail-weithgynhyrchu ac atgyweirio amrywiol sy’n gweithio gyda deunyddiau ffabrig, metel, pren a phlastig.

Sianelu meddwl creadigol.

Ein hargraffwyr 3D

Nid ydym yn gwneud gwaith lle mae darpariaeth fasnachol bresennol ar gael. Rydym yn gyfleuster hyfforddi, addysgu ac ymgysylltu sy’n cynnwys amrywiaeth eang o beiriannau argraffu 3D diwydiannol.

LC Magna gan Photocentric

Gweler gwybodaeth lawn am LC Magna gan Photocentric

Gweithfannau

Mae gwahanol weithfannau ar gael drwy gydol y cyfleuster i helpu i ddiwallu pob angen. Gall ymwelwyr gymryd rhan a dysgu rhagor drwy ddefnyddio’r gweithfannau canlynol:

• gweithfannau dylunio sydd â’r feddalwedd 3D (SOLIDWORKS) a’r sganwyr 3D gorau, o safon y diwydiant
• gweithfan ar gyfer ffabrig sydd â pheiriannau gwnïo a pheiriannau sy’n creu brethynnau gwrymiog
• gweithfan ar gyfer pren a dodrefn sydd ag amrywiaeth o offer pŵer a llaw i brosesu a gorffen pren
• gweithfan atgyweirio offer electronig bach sydd â phecyn profi ac atgyweirio
• gweithfan DIY i wneud gwaith atgyweirio cyffredinol

Cysylltu â ni

A oes gennych ddiddordeb yn ein galluoedd, gan gynnwys diddordeb mewn gweld sut y gallem helpu i integreiddio cysyniadau sy’n ymwneud â’r economi gylchol yn eich grwpiau cymunedol, eich ysgolion, eich prifysgolion a’ch busnesau?

Cysylltwch â RemakerSpace i gael rhagor o wybodaeth a dysgu sut y gallwn weithio gyda'n gilydd!