OPT019: Diweddariad ar Ofal Sylfaenol - Ymarferol

Ar ôl cwblhau’r modiwl, dylech chi allu gwneud y canlynol:

• gwerthuso a chymhwyso cysyniadau allweddol modern o ofal llygaid modern a gallu eu cymhwyso i heriau yn eich amgylchedd a'ch ymarfer eich hun
• mynd i'r afael â budd gwaith tîm rhyngbroffesiynol wrth ddarparu optometreg gofal sylfaenol a myfyrio arno
• cyflwyno dadleuon cytbwys a gwybodus, gan ymgorffori barn a phenderfyniadau beirniadol mewn asesiadau ymarferol.
• myfyrio'n effeithiol ar ddysgu a'i werthuso
• asesu arwyddion a symptomau cyflyrau cyffredin sy’n ymgyflwyno mewn gofal llygaid sylfaenol, gwneud diagnosis gwahaniaethol ac graddio opsiynau i’w rheoli
• datrys problemau a datblygu atebion/cynlluniau rheoli mewn achosion sy’n ymgyflwyno’n gyffredin ym maes gofal llygaid sylfaenol yn seiliedig ar dystiolaeth a barn broffesiynol a chlinigol gadarn

Addysgir y modiwl hwn trwy sesiynau ymarferol, gweminarau rhyngweithiol, tiwtorialau ar-lein a thrafodaethau achos, gan ddarparu adnoddau a chyfeiriadau ategol.

Mae cyfres o senarios gwneud penderfyniadau ffurfiannol sy'n seiliedig ar achosion, trwy fwrdd trafod ar Dysgu Canolog (Amgylchedd Dysgu Rhithwir y Brifysgol) ar gael. Gallwch hefyd ryngweithio â'ch cyd-fyfyrwyr a thiwtoriaid eich modiwl a chyflwyno unrhyw gwestiynau clinigol neu ymholiadau eraill sy'n codi drwy gydol y tymor. Yn ogystal, bydd tair gweminar rithwir i drafod gwahanol agweddau ar gynnwys y cwrs.

Bydd diwrnodau cyswllt tua diwedd y semester. Mae’r rhain yn cynnwys gweithdai ymarferol a thrafodaethau achos, ac yna'r asesiad ymarferol crynodol.

Y modiwl hwn yw'r elfen ymarferol sy'n adeiladu ar fodiwl OPT018: Diweddariad ar Ofal Sylfaenol - Theori Mae OPT018 yn cwmpasu gwybodaeth ddamcaniaethol a rhaid ei basio cyn dechrau OPT019.

• Math a strwythur y cwestiynau a ddefnyddir mewn hanes a symptomau gan gymryd ac addasu'r asesiadau clinigol yn unol â hynny
• Diagnosio a rheoli cyflyrau llygaid cyffredin ar sail tystiolaeth
• Y gwahanol ddulliau o asesu iechyd llygaid claf a manteision ac anfanteision pob dull
• Asesiad clinigol o olwg deulygad
• Datblygu'r technegau i asesu golwg plant, gan gynnwys asesu'r statws plygiannol (retinoscopi) a’r gallu i gymhwyso
• Asesu'r siambr flaen ar gyfer arwyddion o lid ac asesu dyfnder ongl y siambr flaen
• Asesiad o'r ffwndws gan ddefnyddio trefn ophthalmoscopi anuniongyrchol deulygad â lamp hollt fanwl (lens Volk) a thechnegau delweddu retinol atodol
• Defnyddio tonometreg wastadu Goldman i bennu pwysedd yn y llygaid

Sgiliau academaidd

• Dehongli data o asesiad ymarferol
• Techneg arholiad

Sgiliau pwnc-benodol

• Gwella technegau archwilio clinigol
• Rheoli Cleifion
• Cyfathrebu â chleifion

Sgiliau cyffredinol

• Rheoli amser
• Gweithio’n annibynnol
• Datrys problemau
• Sgiliau cyfathrebu

Asesiad ffurfiannol

Bydd myfyrwyr yn cael cyfle i gyflwyno adroddiad achos ffurfiannol a chael adborth cyn yr adroddiad achos crynodol.

Asesiad crynodol

• Gwaith cwrs ysgrifenedig (50%): Bydd disgwyl i fyfyrwyr ymuno â gweminar ar-lein gyda thrafodaeth achos ac yna ysgrifennu adroddiad achos yn seiliedig ar ymchwilio i un o'u cleifion eu hunain a’i reoli, neu ddefnyddio achos a ddisgrifir yn y weminar
• Asesiad Ymarferol (50%): Bydd myfyrwyr yn cael eu hasesu gan ddefnyddio Arholiad Clinigol Strwythuredig Gwrthrychol (OSCE). Mae hyn yn cynnwys gorsafoedd sy'n ystyried gwahanol agweddau ar asesu cleifion mewn ymarfer gofal llygaid