Ymchwil
Mae ein hymchwil yn defnyddio dull systemau cyfan ar gyfer atebion amgylcheddol.
Yn pontio Cymru-Lloegr, mae dalgylch gwledig Gwy yn enghraifft dda o sut mae pwysau o reoli tir ar gyfer bwyd/ffermio yn effeithio ar ddyfroedd croyw. Mae dalgylch afon Wysg gerllaw gyda blaenddyfroedd gwledig tebyg, yn llifo i ardal fwy trefol Casnewydd. Mae Prifysgol Caerdydd wedi bod yn gweithio ar ddalgylchoedd Gwy ac Wysg ers 40 mlynedd, gan ddefnyddio’r dalgylchoedd hyn fel modelau i archwilio cwestiwn ehangach 'Sut gallwn ni gydbwyso cynaliadwyedd dŵr croyw â ffyniant cymdeithasol mewn byd ansicr?'
Nod Arsyllfa Gwy ac Wysg yw hwyluso cydweithrediadau rhyngddisgyblaethol o’r gwyddorau naturiol, cymdeithasol a pheirianyddol, a galluogi’r partneriaethau a chyfnewid gwybodaeth gyda sefydliadau eraill sy’n allweddol i gyd-ddylunio datrysiadau systemau cyfan ar gyfer dyfroedd croyw.
Nod yr Arsyllfa yw adeiladu ar ein hymchwil helaeth i ddarparu dulliau systemau cyfan.
Bob blwyddyn mae'r Arsyllfa yn cynnal prosiectau ymchwil o israddedigion i gymrodyr ôl-ddoethurol. Dechreuon ni gasglu data yn yr 1980au, sy'n galluogi dadansoddi tueddiadau hanesyddol. Rydym yn awyddus i archwilio ffyrdd newydd o ddefnyddio ein data a’n cyfleusterau.