Penodi cyfarwyddwr canolfan ymchwil newydd Prifysgol Caerdydd

Mae cyfarwyddwr wedi cael ei benodi mewn canolfan ymchwil newydd ym Mhrifysgol Caerdydd.

Bydd Dr Paul Willis yn ymuno â'r Ganolfan Ymchwil Gofal Cymdeithasol i Oedolion (CARE) newydd sbon yn gyfarwyddwr cyntaf arni yn ddiweddarach eleni.

Bydd yn arwain ein canolfan ymchwil newydd CARE, a sefydlwyd gyda £3m o gyllid Ymchwil Iechyd a Gofal Cymru dros y pum mlynedd nesaf.

Dywedodd Jonathan Scourfield, Athro Gwaith Cymdeithasol:

Mae Dr Willis yn arbenigwr ym maes gofal cymdeithasol pobl hŷn ac yn Uwch-gymrawd o Ysgol Ymchwil Gofal Cymdeithasol NIHR. Mae ganddo ddiddordebau ymchwil penodol mewn rhywedd, rhywioldeb a darpariaeth gofal, ac mae'n weithiwr cymdeithasol cymwysedig.

Ychwanegodd Dr Willis, "Rwy'n falch iawn o gael fy mhenodi'n gyfarwyddwr y ganolfan ymchwil newydd hon ac rwy’n edrych ymlaen at weithio gyda'r tîm a'r cydweithwyr i adeiladu rhaglen ymchwil newydd i helpu i lywio a gwella'r ddarpariaeth o ofal cymdeithasol o ansawdd uchel i bobl ag anghenion gofal a chymorth yng Nghymru."

Bydd y Ganolfan yn dwyn ynghyd arbenigedd amlddisgyblaethol o bob rhan o’r brifysgol, ac yn hybu cyfleoedd i gydweithio ag arbenigwyr mewn mannau eraill yn y DU, i ddatblygu ymchwil o’r radd flaenaf ym maes gofal cymdeithasol oedolion, wedi’i chefnogi gan gyllid ymchwil ar lefel y DU.

Dywedodd yr Athro Kieran Walshe, Cyfarwyddwr Ymchwil Iechyd a Gofal Cymru, “Bydd y ganolfan ymchwil newydd sbon gwerth £3m ar gyfer gofal cymdeithasol i oedolion yn dod ag arbenigedd o bob rhan o’r sector ynghyd ac yn cyflawni ymrwymiad allweddol i gynyddu capasiti a gallu ymchwil gofal cymdeithasol ar draws Cymru.

“Bydd Dr Willis yn dod â chyfoeth o brofiad a gwybodaeth i’r rôl hon ac rydym yn edrych ymlaen at gydweithio a gweld y weledigaeth o gymuned ymchwil gofal cymdeithasol bywiog yn dod yn fyw.”

Ar hyn o bryd mae'r ganolfan yn recriwtio ar gyfer chwe swydd:

• Darllenydd
• 4 swydd ymchwilydd, megis Uwch Gymrawd Ymchwil
• Rheolwr y Ganolfan.

Mae swydd y Darllenydd a dwy o’r swyddi ymchwil yn gontractau penagored, gyda'r lleill yn gyfnod penodol am o leiaf 3 mlynedd a hanner.

Mae gwybodaeth lawn am y swyddi hyn a sut i wneud cais i'w gweld yma ar dudalen swyddi Prifysgol Caerdydd.