Carfan gref o Gaerdydd yng nghynhadledd Cymdeithas yr Ysgolheigion Cyfreithiol

Croesawodd cynhadledd flynyddol Cymdeithas yr Ysgolheigion Cyfreithiol (SLS) dîm o siaradwyr a chyfranogwyr o Ysgol y Gyfraith a Gwleidyddiaeth fis Medi eleni.

Yr SLS yw’r gymdeithas ddysgedig fwyaf ar gyfer ysgolheigion cyfreithiol yn y DU a chynhaliwyd eu cynhadledd eleni, eu 113fed, gan Goleg y Brenin Llundain (KCL) ar 6-9 Medi 2022. Thema'r gynhadledd eleni oedd 'Y Cysylltiadau â Datblygiad Cyfreithiol'. Cynhaliwyd y gynhadledd yn Nhŷ Bush trawiadol, cyn-gartref y BBC World Service ar The Strand, Llundain.

Wrth galon y gynhadledd SLS y mae'r cyfle i gyflwyno ac ystyried papurau mewn dros 28 o adrannau pwnc gwahanol dros 4 diwrnod. Eleni, dychwelodd y gynhadledd i'w fformat wyneb yn wyneb gyda'r posibilrwydd o bresenoldeb ar-lein yn galluogi cyfranogwyr o bob cwr o'r byd i gymryd rhan yn rhithwir. Cyflwynodd chwe ysgolhaig cyfreithiol o Gaerdydd bapurau ymchwil arloesol: Cyflwynodd Caleb Wheeler ei ymchwil ar dreialon troseddol rhyngwladol a rheolaeth y gyfraith; Cyflwynodd Stephanie Theophanidou, myfyrwraig PhD, bapur cymharol ar gyfreithwyr mewnol yn y DU a'r UE; Rhannodd Sara Drake ganfyddiadau ymchwil prosiect a gynhaliwyd gyda Carmela Bosangit, Ysgol Busnes Caerdydd, ar lefelau ymwybyddiaeth defnyddwyr o’u hawliau cyfreithiol ar gyfer canslo teithiau hedfan yn ystod pandemig Covid-19.  Cyflwynodd John Harrington a Matthew Watkins gerbron y panel Cyfraith Feddygol a chyflwynodd Rachel Cahill O-Callaghan bapur ar y cyd yn edrych ar y newidiadau sy’n sail i ddiflaniad dyfarniadau anghydsyniol unigol yng Ngoruchaf Lys y DU. Eleanor Rowan oedd trefnydd y panel Ymarfer, Proffesiwn a Moeseg.

Dywedodd Julie Doughty, a aeth i sesiynau am gyfraith y cyfryngau a chyfathrebu, hawliau plant, a chyfraith teuluol, “Erbyn diwedd pob un o’r 4 diwrnod, roeddwn yn fwrlwm o syniadau newydd ar gyfer addysgu ac ymchwil.”  Roedd Louise Austin, Nicola Harris, Phillip Johnson, Lee Price a Bernie Rainey hefyd yn bresennol. Cafwyd ysgogiad deallusol hefyd gan brif siaradwyr gan gynnwys yr Athro Mindy Chen-Wishart, Deon Cyfadran y Gyfraith, Prifysgol Rhydychen, a roddodd adroddiad hynod ddiddorol ar ei phrosiect ymchwil cymharol ar gyfraith contract Gorllewinol ac Asiaidd.

Mae cynhadledd SLS hefyd yn trefnu rhaglen lawn o ddigwyddiadau cymdeithasol i roi cyfle i gyfranogwyr ddal i fyny â hen ffrindiau a dod i ‘nabod pobl newydd.  Cynhaliwyd y Cinio Blynyddol yn y Neuadd Fawr, Lincoln’s Inn, lle cyhoeddwyd Rachel Cahill O’Callaghan, yn un o chwarter tîm golygyddol traws-sefydliadol a fydd yn cymryd awenau prif gyfnodolyn y Gymdeithas, Legal Studies , a gyhoeddwyd gan Gwasg Prifysgol Caergrawnt. Yn y Cyfarfod Cyffredinol Blynyddol, penodwyd Sara Drake i Bwyllgor Addysg Gyfreithiol y Gymdeithas.

Bydd y 114eg Gynhadledd Flynyddol yn cael ei threfnu gan Brifysgol Oxford Brookes o 27 – 30 Mehefin 2023 a'r thema yw 'Y Gyfraith a Lles y Cyhoedd.'  Hwn fydd y tro cyntaf i’r gynhadledd gael ei chynnal yn yr haf er mwyn osgoi gwrthdaro â dechrau’r flwyddyn ysgol a’r gobaith yw y bydd yn caniatáu i fwy o ysgolheigion cyfreithiol gymryd rhan.  Agorodd cyflwyniadau o grynodeb ar 25 Tachwedd 2022 a bydd yn cau ar 6 Chwefror 2023. Unrhyw un sydd â diddordeb mewn ymuno â’r Gymdeithas neu sy’n ystyried cynnig papur yn y gynhadledd nesaf, cysylltwch â Rachel Cahill-O’Callaghan neu Sara Drake.