Delegates provide excellent feedback for Paediatric Palliative Care course

Ar ôl gweithio fel nyrs mewn Hosbis Plant am 5 mlynedd roedd y modiwl byr 'Datrys Problemau mewn Gofal Lliniarol Pediatreg' yn werthfawr o ran ehangu gwybodaeth a chael gwerthfawrogiad o Dîm Amlddisgybaethol ehangach o fewn Gofal Lliniarol Pediatreg. Mae gan y cwrs gymysgedd go iawn o weithwyr gofal iechyd proffesiynol ac mae’n canolbwyntio ar gymysgedd penodol o sgiliau ac ati. Os oes gennych chi faes diddordeb penodol o fewn Gofal Lliniarol Pediatreg ac am archwilio hyn ymhellach, bydd y cwrs hwn o gymorth. Mae'r ystafelloedd dosbarth rhithwir a'r trafodaethau yn helpu gyda dysgu o bell. Mae trefnwyr y cwrs yn rhoi llawer o gefnogaeth ac arweiniad. Byddai'r cwrs yn bendant yn helpu unrhyw un sy’n ystyried gwneud gradd feistr ac mae'n gam gwych ar gyfer symud ymlaen i wneud pethau eraill.

Astudiais y cwrs Datrys Problemau ym maes Gofal Lliniarol Pediatrig yn 2019. Er mod i wedi bod yn gweithio ym maes Gofal Lliniarol Pediatrig ers nifer o flynyddoedd, roeddwn yn gallu ehangu fy nealltwriaeth a dysgu pethau newydd am y maes gan y tiwtoriaid a’r rheint oedd yn cyflwyno’r sesiynau addysgu. Er mai gweithiwr gofal iechyd proffesiynol perthynol yw fy rôl, fe wnes i deimlo bod y pryderon a'r problemau roeddwn i'n eu hwynebu yn fy ngwaith bob dydd yr un mor berthnasol â'r rhai sy'n dod o gefndir meddygol. Rhoddodd y cwrs gyfle i mi, a’r hyder, i roi sylw i faes oedd wedi bod yn chwarae ar fy meddwl ers cryn amser, a gwneud hynny wrth gael fy arwain gan diwtoriaid profiadol a gwybodus. Profiad gwerth chweil.Fe wnaeth y gwaith prosiect fy ngalluogi i fynd i'r afael â’r materion yn fy rôl a oedd tan y pwynt hwnnw wedi'u 'rheoli' ond heb eu 'datrys'. Fe wnaeth cymryd rhan yn yr hyfforddiant hwn fy ngalluogi i gymryd y camau cyntaf tuag at eu datrys. Er ei bod yn broses barhaus, mae wedi fy helpu i gael y sgiliau angenrheidiol i wneud hyn.