Llongyfarchiadau i’n holl fyfyrwyr sy’n graddio

Hoffem anfon llongyfarchiadau enfawr i'n holl fyfyrwyr blwyddyn olaf ar raddio o'r Ysgol Cemeg.

Gan fod 96% o'n graddedigion yn mynd ymlaen i gyflogaeth sicr neu astudiaethau pellach, fe wyddom eu bod ar fin dechrau’r bennod gyffrous nesaf yn eu bywydau a'u gyrfaoedd. Maen nhw'n ymuno â chymuned ffyniannus o Gyn-fyfyrwyr Cemeg sy'n cadw cysylltiad â ni ar grŵp LinkedIn Cyn-fyfyrwyr yr Ysgol Cemeg.

I'r holl fyfyrwyr drwy'r wlad, bu’r misoedd diwethaf yn heriol iawn. Maen nhw wedi golygu addasiadau cyflym i astudio dan gyfyngiadau na ragwelwyd gan neb yn sgil pandemig COVID-19.

I fyfyrwyr Prifysgol daeth hyn wrth iddyn nhw gwblhau eu prosiectau ymchwil pwysig, ac wrth ddechrau adolygu ar gyfer eu harholiadau diwedd blwyddyn.

Eto i gyd, dangosodd ein myfyrwyr i gyd wydnwch rhyfeddol wrth addasu i'r byd ar-lein gan ddyfalbarhau i gwblhau eu dysgu a'u hasesu.

Hoffem nodi'n benodol enillwyr gwobrau'r Ysgol eleni, ac rydym ni'n cydnabod yr enillwyr canlynol yn arbennig:

• Perfformiad rhagorol yn MChem Blwyddyn 4: Oliver Symes, Adam Khan a Joshua Morris
• Gwobr Goffa'r Athro Wyn Roberts am Gyflawniad Eithriadol mewn Ymchwil Israddedig: Kiran Vaja
• BSc trydedd flwyddyn gorau: William Croft a Charlotte Evans
• Prosiectau labordy trydedd flwyddyn rhagorol: Zoe Northam, Jack Chappell a Joshua Morris
• Gwobr NIPA: Sarah Stock

Roedd ymdrechion y blynyddoedd eraill i gyd yn cwblhau asesiadau cynnydd hefyd yn glodwiw mewn cyfnod mor anodd, ac edrychwn ymlaen at eu croesawu'n ôl i'r Ysgol ddiwedd mis Medi, cyn y flwyddyn academaidd nesaf.

Drwy'r cyfnod digynsail hwn nad oedd modd ei ragweld, rydym ni wedi gallu cymryd amser i ystyried a dysgu cymaint am ein cryfderau a'n galluoedd.

Rydym ni nawr yn datblygu dulliau dysgu cyfunol i'n modiwlau i gyd, fydd yn ein caniatáu i weithio'n ddiogel gyda'n gilydd a pharhau i fwynhau'r cyfleoedd cyffrous mae dysgu Cemeg yng Nghaerdydd yn gallu eu cynnig.

Yn y cyfamser, dymunwn wyliau haf pleserus i'n myfyrwyr i gyd, gan eich llongyfarch unwaith eto ar eich dyfalbarhad a'ch holl lwyddiannau