Gwobr Cyflawniad Rhagorol ar gyfer Troseddegydd

Mae'r Athro Mike Levi wedi derbyn Gwobr Cyflawniad Rhagorol gan Gymdeithas Troseddeg Prydain.

Cyflwynwyd y wobr gan Lywydd y Gymdeithas, yr Athro Sandra Walklate.

Mae’r Athro Levi wedi ymgymryd ag ymchwil o'r radd flaenaf mewn llu o feysydd troseddegol. Mae ganddo enw da yn rhyngwladol am ragoriaeth ymchwil ynghylch gwyngalchu arian, llygredd, seiberdroseddau, troseddau cyfundrefnol rhyngwladol a throseddau coler wen.

Ymunodd yr Athro Levi â Phrifysgol Caerdydd ym 1975 drwy gael ei benodi’n Ddarlithydd Troseddeg, ar ôl ennill graddau israddedig ac ôl-raddedig ym Mhrifysgolion Rhydychen, Caergrawnt a Southampton.

Mae wedi bod yn cynnal ymchwil ryngwladol ar reoli troseddau coler wen a throseddau cyfundrefnol, llygredd a gwyngalchu arian, ac ariannu terfysgaeth ers 1972.

Dywedodd yr Athro Levi: Mae'n anrhydedd enfawr i mi fy hun ac i'm meysydd arbenigedd i gael y wobr hon yn enwedig ymysg cynifer o ymgeiswyr a meysydd pwnc haeddiannol eraill.”