Cefnogaeth i raddedigion
Diweddarwyd: 19/03/2024 11:38
Efallai mai graddio fydd pen y daith i chi o ran eich astudiaethau cyfredol, ond nid oes rhaid ffarwelio.
Mae profiad Caerdydd yn mynd y tu hwnt i'ch amser ar y campws. Wrth raddio, byddwch yn dod yn rhan o'n teulu cyn-fyfyrwyr – cymuned fyd-eang fywiog sydd dros 130 oed. Bydd gennych hefyd fynediad at gefnogaeth, cyngor a chyfleoedd.
Mae angen i ni gadw mewn cysylltiad ar ôl i'ch cwrs ddod i ben fel y gallwn anfon gwybodaeth bwysig atoch, yn ogystal â chyfleoedd gyrfa, mentora, rhwydweithio a datblygiad proffesiynol, a gostyngiadau ar astudiaethau pellach. Er mwyn sicrhau y gallwn barhau i gysylltu â chi ar ôl graddio, gwnewch yn siŵr bod eich manylion cyswllt yn gyfredol.
Os ydych yn fyfyriwr ar hyn o bryd, diweddarwch eich manylion cyswllt ar ôl ichi raddio ar SIMS ar-lein er mwyn defnyddio cyfeiriad ebost nad yw'n un caerdydd.ac.uk a dewis cael negeseuon gan y brifysgol i wneud yn siŵr ein bod yn gallu parhau i gysylltu â chi ar ôl ichi raddio.
Os ydych yn gynfyfyriwr, diweddarwch eich manylion cyswllt gyda Swyddfa'r Cynfyfyrwyr
Eich iechyd a'ch lles
Os ydych wedi bod yn derbyn cymorth gan ein Tîm Cwnsela, Iechyd a Lles, dylech drafod eich gofynion cymorth yn y dyfodol gyda'ch Cwnselydd neu Ymarferydd Lles fel eu bod yn gallu cysylltu â'ch Meddyg Teulu os bydd angen.
Gallwch barhau i gael gafael ar ein hadnoddau hunan-gymorth sy’n ymwneud ag iechyd emosiynol a chorfforol tra bod gennych fynediad at y fewnrwyd.
Hefyd, sylwer y gallai fod angen cofrestru gydag Meddyg Teulu (GP) newydd gan ddibynnu ar le rydych yn byw ar ôl i chi raddio.
Cadwch eich manylion yn gyfredol i sicrhau nad ydych yn colli ein buddion unigryw i gyn-fyfyrwyr.