Seminar Ymchwil Cerddoriaeth John Bird - Dr Steven Berryman

Mae'r digwyddiad hwn wedi dod i ben

Allwn Ni Wir Gynllunio'n Genedlaethol ar gyfer Addysg Gerddorol?

Cyhoeddwyd y Cynllun Cenedlaethol diwygiedig ar gyfer Addysg Cerddoriaeth yn Lloegr ym mis Mehefin 2022. Dan y teitl 'The Power of Music', ailddatganodd y cynllun ymrwymiad i addysg gerddorol yn Lloegr. Roedd y cynllun diwygiedig yn cyd-daro â mentrau cenedlaethol eraill yng Nghymru a'r Alban sydd wedi ceisio ehangu a chefnogi addysg gerddorol mewn ysgolion. Fodd bynnag, mae yna agendâu addysgol cystadleuol sy'n rhwystro'r addewid o gynlluniau cenedlaethol ar gyfer addysg cerddoriaeth.

Bydd y ddarlith hon yn archwilio rhai o'r themâu sy'n cystadlu, y sefyllfa bresennol mewn addysg gerddorol a'r llwybrau posibl hyd at wireddu 'grym cerddoriaeth' yn ein hysgolion.