Agor drysau ar-lein ac all-lein: cynyddu mynediad at wasanaethau iechyd meddwl i bobl ifanc sydd â phrofiad o fod mewn gofal

Mae'r digwyddiad hwn wedi dod i ben

Beth sy’n cael ei gynnig? 

Bydd y digwyddiad yn dechrau gyda ffilm fer sy'n dangos taith unigolyn ifanc sydd â phrofiad o fod mewn gofal wrth iddo geisio cael mynediad at wasanaethau iechyd meddwl, a rhai o'r rhwystrau y gellir dod ar eu traws. Mae hyn yn arwain at drafodaeth o'r pwnc a fydd yn cynnwys elfen ryngweithiol gyda'r nod o annog cyfranogwyr i ystyried gwasanaethau iechyd meddwl trwy lygaid pobl ifanc sydd â phrofiad o fod mewn gofal. Mae'r ffilm fer a'r gweithgareddau wedi'u cynllunio ar y cyd â phobl ifanc. 

Am beth mae'r digwyddiad? 

Y pwnc trafod yw anghenion iechyd meddwl pobl ifanc sydd â phrofiad o fod mewn gofal, a'r bylchau a'r rhwystrau o ran eu gallu i gael mynediad at wasanaethau iechyd meddwl o bell. Gall mynychwyr ddisgwyl dysgu mwy am y pwnc a rhywfaint o'r gwaith cyfredol sy'n cael ei wneud yn y maes hwn. 

Pwy sy'n arwain y digwyddiad? 

Aimee Cummings, Myfyriwr PhD gyda CASCADE ym Mhrifysgol Caerdydd 

Lorna Stabler, Cydymaith Ymchwil gyda CASCADE ym Mhrifysgol Caerdydd 

I bwy mae'r digwyddiad? 

Mae croeso i unrhyw un fynychu, ond mae'r digwyddiad hwn yn fwy addas i unrhyw un sydd â diddordeb yn y pwnc, yn enwedig darparwyr gwasanaethau iechyd meddwl, gweithwyr cymdeithasol, pobl ifanc sydd â phrofiad o fod mewn gofal, neu eu gofalwyr.  

Digwyddiadau yn y gyfres hon

ESRC Festival of Social Science

• Gweld pob digwyddiad yn y gyfres hon