Cornel Tsieineaidd: Bywyd cymdeithasol yn Tsieina

Mae'r digwyddiad hwn wedi dod i ben

Ydych chi erioed wedi pendroni sut i gyfarch eich ffrindiau a’ch cydweithwyr Tsieineaidd, a pham mae cynnig rhodd mor bwysig yn y cyd-destun personol a busnes? Ydych chi erioed wedi pendroni sut mae ymddwyn mewn bwyty Tsieineaidd, p’un a ydych yn dal gweill bwyta yn gywir, a pha fowlen neu blât i’w ddewis o’r nifer o’ch blaen? Ydych chi erioed wedi meddwl sut mae pobl Tsieineaidd yn defnyddio cyfryngau cymdeithasol a sut mae'n cymharu â'r llwyfannau sydd gennym yma yn Ewrop?

Yna ymunwch â ni ar gyfer ein Darlith Cornel Tsieineaidd wrth i ni ymchwilio i agweddau allweddol ar fywyd cymdeithasol yn Tsieina. Byddwn yn edrych yn fanwl ar y pethau y dylid eu gwneud a'r pethau na ddylid eu gwneud wrth roi rhoddion, cwrteisi bwyta Tsieineaidd, a chyflwyniad i apiau a llwyfannau cyfryngau cymdeithasol cyfredol a ddefnyddir yn Tsieina. Yn olaf, byddwn yn rhoi cipolwg i chi ar rai o'r ffyrdd y mae pobl yn Tsieina yn treulio eu nosweithiau.

Dylech ddisgwyl sesiwn ryngweithiol a chymdeithasol!

Bydd y digwyddiad hwn yn cael ei ffrydio'n fyw ar Zoom a byddwn yn anfon y dolenni a'r manylion mewngofnodi atoch pan fyddwch yn cofrestru.