Marty Friedman, Gitarydd Roc Eiconig: Sut y gwnaeth Meistrolaeth ar Japaneeg Agor Cyfleoedd ar gyfer ei Fywyd a'i Yrfa

Mae'r digwyddiad hwn wedi dod i ben

Y pedwerydd digwyddiad yng Nghyfres Darlithoedd Caerdydd-Japan. Mr Marty Friedman fydd yma’r tro hwn - artist sydd wedi gwerthu miliynau o recordiau, a Llysgennad i Japan Heritage fel y'i penodwyd gan Asiantaeth Materion Diwylliannol Llywodraeth Japan.

Daeth Marty Friedman yn adnabyddus gyntaf fel y prif gitarydd yn un o'r bandiau metel trwm mwyaf llwyddiannus a dylanwadol erioed, Megadeth, rhwng 1990-2000. Symudodd Marty i fyw yn Japan yn 2003 oherwydd ei gariad anhygoel at gerddoriaeth boblogaidd Japaneaidd a'r iaith. Ers hynny mae wedi rhyddhau 10 albwm unigol, ac wedi perfformio yn Budokan a Tokyo Dome a phob lleoliad mawr arall yn Japan. Mae hefyd yn cymryd rhan weithgar mewn gweithgareddau amlweddog mewn teledu a radio Japaneaidd a chyfryngau torfol eraill, yn amrywio o gerddoriaeth, adloniant, comedi, gwleidyddiaeth, i addysg gan ddefnyddio ei ruglder brodorol yn Japaneeg. Yn y ddarlith hon, bydd Marty yn siarad am y cymhelliant i astudio Japaneeg, ei ddulliau dysgu unigryw a bydd yn rhoi cyngor hynod ddiddorol ar ddysgu Japaneeg yn effeithiol. Byddwn hefyd yn cael y manylion am sut yr agorodd ei feistrolaeth ar Japaneeg lawer o gyfleoedd iddo yn ei yrfa broffesiynol.

Cefnogir y gyfres hon o ddigwyddiadau gan Sefydliad Japan, Llundain.

Cyfieithu ar y pryd
Bydd y digwyddiad hwn yn cael ei gynnal drwy gyfrwng y Saesneg. Mae croeso i chi ofyn cwestiynau yn Gymraeg yn ystod y sesiwn holi ac ateb. Os ydych yn bwriadu gwneud hyn, cysylltwch â mlang-events@caerdydd.ac.uk erbyn dydd Mercher 13 Hydref i wneud ymofyniad cyfieithu ar y pryd. Nodwch fod 10% neu mwy o’r rhai sy’n bwriadu dod yn angen i ofyn am y ddarpariaeth hon er mwyn iddo gael ei ffynonellau i fod yn bresennol a bydd yn amodol ar argaeledd adnoddau.

Cofrestru
Mae'n ddrwg gennym nad yw'r dudalen gofrestru gyfan ar gael yn Gymraeg. Yn anffodus nid yw'r platfform yr ydym yn ei ddefnyddio'n cynnig y gwasanaeth hwn.

Cofnodi Digwyddiad
Sylwch y bydd y digwyddiad hwn yn cael ei recordio.