Pontio i systemau ynni newydd: Pa effaith a gaiff ar gymdeithas ac ar ein bywydau?

Mae'r digwyddiad hwn wedi dod i ben

Disgrifiodd y Cenhedloedd Unedig adroddiad diweddaraf y Panel Rhynglywodraethol ar Newid Hinsawdd, a ryddhawyd ddechrau mis Awst, fel 'côd coch ar gyfer dynoliaeth'. Mae'n nodi bod newid yn yr hinsawdd yn helaeth, yn gyflym ac yn dwysáu. Mae'r byd bellach yn edrych at gynhadledd hinsawdd fyd-eang mis Tachwedd, COP26, i weld sut mae cenhedloedd yn ymateb i'r rhybudd llwm diweddaraf hwn.

Yn Ewrop, mae'r nod i gyflawni allyriadau sero net o nwyon tŷ gwydr erbyn 2050 yn gofyn am drawsnewid system ynni Ewrop yn sylweddol, i ffwrdd o danwydd ffosil a thuag at ffynonellau ynni carbon isel neu adnewyddadwy.

Beth sy'n gweithio a sut y dylid ei wneud?

Nid yw pontio ynni yn ymwneud â thechnolegau ac arloesedd newydd yn unig. Mae ein ffyrdd o fyw presennol hefyd yn cyfrannu at broblemau ynni a hinsawdd, a bydd y pontio at wahanol systemau ynni yn effeithio ar bawb yn y gymdeithas. Rhaid i newid fod yn deg ac yn gynhwysol. Mae'n gofyn am ymgysylltu â'r cyhoedd a chyfranogiad gweithredol ar draws y gymdeithas gyfan. 

Ymunwch â'n panel o arbenigwyr i drafod y materion hanfodol hyn, wrth inni edrych ymlaen at gynhadledd COP26:

• Yr Athro Nebojsa Nakicenovic MAE - Dirprwy Gadeirydd y Grŵp o Brif Gynghorwyr Gwyddonol; Cyfarwyddwr Cyfarwyddwr Prosiect y Byd yn 2050
• Yr Athro Benjamin Sovacool MAE - Athro Polisi Ynni, Prifysgol Sussex; Aelod o Weithgor SAPEA
  Dywedodd
• Yr Athro Nick Pidgeon - Athro Risg a Seicoleg Amgylcheddol; Cyfarwyddwr y Grŵp Ymchwil Deall Risg, Prifysgol Caerdydd
• Yr Athro Eystein Jansen MAE - Athro Gwyddorau’r Ddaear / Paleoclimatoleg, Prifysgol Bergen; Aelod o Gyngor Gwyddonol y Cyngor Ymchwil Ewropeaidd
• Yr Athro Diana Urge-Vorsatz MAE - Cyfarwyddwr, Canolfan Newid Hinsawdd a Pholisi Ynni Cynaliadwy, Prifysgol Canol Ewrop; Aelod o Weithgor SAPEA

Cadeirydd: Yr Athro Ole Petersen MAE, Is-lywydd, Academia Europaea

Gwahoddir y gynulleidfa i ofyn eu cwestiynau i'r panel ac ymuno â'r drafodaeth. 

Ynghylch y gweminar
Trefnir y gweminar hwn gan SAPEA ac Academia Europaea. Darganfyddwch fwy am 'Ddull systematig o bontio ynni yn Ewrop' - mae Adroddiad Adolygu Tystiolaeth SAPEA a'r Farn Wyddonol gan y Grŵp o Brif Gynghorwyr Gwyddonol ar gael ar wefan SAPEA.