Gŵyl Ymchwil Feddygol Cyngor yr Ymchwil Feddygol

Rhagor am ddathliad cenedlaethol Cyngor yr Ymchwil Feddygol o ymchwil feddygol.

Cychwynnodd Cyngor yr Ymchwil Feddygol Ŵyl yr Ymchwil Feddygol fis Mehefin 2016 a’i gorffen yn 2019.

Nod yr Ŵyl oedd arddangos ymchwil feddygol a sut y gall fod o fudd i’n cymdeithas yn ogystal â meithrin ymddiried a dealltwriaeth ymhlith y cyhoedd.

Digwyddiadau blaenorol

Yn ystod Gŵyl Cyngor yr Ymchwil Feddygol yn 2016, bu nifer o ddigwyddiadau megis:

• dangos ffilm Inside Out ac, wedyn, gêmau'r ymennydd i blant Ysgol Gynradd y Tyllgoed;
• ffilm MRC SciSCREEN o’r enw ‘The Machinist’ ac, wedyn, darlithoedd gan ymchwilwyr megis Gemma Williams (seicosis) a Katie Lewis (cysgu ac iechyd y meddwl).

At hynny, cymeron ni ran yn sesiwn geneteg #PNDHour Twitter i godi ymwybyddiaeth o ymchwil i iechyd y meddwl adeg esgor.

2017

Yn 2017, cynhalion ni Psychosis: Taith gobaith a darganfod, noson gydag ymgyrchwyr blaengar iechyd y meddwl, Jonny Benjamin a Neil Laybourn, lle edrychon ni ar yr ymchwil ddiweddaraf ym maes geneteg seiciatrig a’r frwydr yn erbyn nod cywilydd.

Darlith Jonny a Neil

Gwyliwch darlith Jonny a Neil yn Saesneg.

2018

Yn ein dathliad mwyaf hyd yma, cynhalion ni ffair wyddonol ar safle’r DEPOT.

Addason ni rai ffefrynnau i adlewyrchu meysydd ein hymchwil megis bachu hwyaden, dewis y cardiau cywir, golff gwallgof a jenga. At hynny, roedd pitsa am ddim, darlithoedd gan ein hymchwilwyr yn y Speakeasy a dewin ar daith.

Rhagor am y ffair ynghyd â lluniau ar Facebook.

2019

I nodi'r ŵyl yng Nghaerdydd yn 2019, gwahoddon ni 40 o ddisgyblion Blwyddyn 10 Ysgol Uwchradd Eglwys Rufain Sant Joseff, Casnewydd, i Adeilad Hadyn Ellis i ddysgu am eneteg, iechyd y meddwl a'n hymchwil.

Dangosodd ymchwilwyr sut i dynnu DNA a thrafod newidiadau yn ein genynnau wrth chwarae jenga a dewis y cardiau genetig cywir yn ogystal â rhoi cynnig ar gêm fideo wedi’i llunio dros benwythnos gan ymchwilwyr, llunwyr gêmau a phobl oedd wedi dioddef ag afiechyd y meddwl.