Albwm diweddaraf cerddoriaeth Liszt gan yr Athro Kenneth Hamilton wedi cyrraedd rhif 1
15 Ionawr 2024
![Image of Salon and Stage album cover](https://cardiff.imgix.net/__data/assets/image/0006/2788098/Ken-Hamilton-Salon-and-Stage.jpg?w=570&h=321&fit=crop&q=60&auto=format)
Dewiswyd Salon and Stage, sef ail gyfrol yng nghyfres albymau’r Athro Kenneth Hamilton sy’n amlygu cerddoriaeth biano Franz Liszt, yn Best Classical Recording of 2023 gan The Guardian.
Canmolodd y beirniad Andrew Clements glodfori “egni a phersonoliaeth ysgubol” yr albwm, gan nodi bod“gallu Hamilton i gyfuno dawn ar y piano ag athrylith dechnegol, ynghyd â dealltwriaeth glir o sut y daeth y gerddoriaeth hon i fodolaeth yn gwneud y perfformiadau hyn yn arbennig dros ben.”
Roedd y recordiad hwn hefyd yn gwerthu’n arbennig o dda, gan gyrraedd safle rhif 3 yn Siartiau Clasurol Swyddogol y DU, ac mae wedi cael croeso cynnes gan feirniaid ledled y byd.
Cafodd yr albwm ei lansio mewn cyngerdd yn Amgueddfa Goffa Liszt yn Budapest, ac yn ei sgil, cyhoeddwyd cyfweliad gyda’r Athro Hamilton pan drafododd y ffordd y bydd yn dehongli’r repertoire.
Ymhlith y recordiau y bydd Hamilton yn eu rhyddhau yn 2024 mae albwm sy’n ailddehongli cerddoriaeth Handel yn ôl yr arddull rhamantaidd; ac, yn ddiweddarach y mis hwn, rhyddheir recordiad o draciau gan ei gydweithiwr yng Nghaerdydd, Pedro Faria Gomes, o’r enw Scenes from Childhood.