Cyhoeddi adroddiad ar Ysgolion Busnes a Lles y Cyhoedd

Mae adroddiad newydd yn amlygu'r ffyrdd niferus ac amrywiol y mae ysgolion busnes yn cyflawni lles y cyhoedd drwy addysgu, ymchwil ac ymgysylltu.

Mae Tasglu Cymdeithas Siartredig yr Ysgolion Busnes (ABS) wedi cyhoeddi ei adroddiad ‘Business Schools and the Public Good’.

Cyd-gadeiryddion y Tasglu yw'r Athro Martin Kitchener, cyn Ddeon Ysgol Busnes Caerdydd, yr ysgol busnes gwerth cyhoeddus gyntaf yn y byd, a Tom Levitt, awdur ar gynaladwyedd busnes, ac mae'n cynnwys aelodau o gefndir academaidd, diwydiant a pholisi.

Sefydlwyd y Tasglu i ystyried sut mae ysgolion busnes yn deall ac yn cyflawni 'lles y cyhoedd', gyda'r nod o fapio agweddau at les y cyhoedd yn ysgolion busnes y DU; awgrymu ffyrdd o gefnogi lledaenu arferion addawol; ac ehangu'r naratif cyhoeddus ar bwrpas ysgolion busnes.

Ceir 20 astudiaeth achos o arferion addawol mewn ysgolion busnes yn yr adroddiad, gan gynnwys astudiaeth o Fwrdd Rheoli Cysgodol Ysgol Busnes Caerdydd. Daw'r dull blaengar hwn â chyfuniad o aelodau iau ac uwch o’r gyfadran a staff gwasanaethau proffesiynol o bob rhan o'r Ysgol at ei gilydd i ddatblygu strategaeth; craffu ar yr uwch dîm rheoli; hwyluso cyfranogiad mwy amrywiol ym mhrosesau penderfynu'r Ysgol; a chreu ffyrdd arloesol o wreiddio cyflwyno gwerth cyhoeddus ar draws gweithgareddau'r Ysgol.

Datgelodd yr adroddiad bod Ysgolion Busnes yn dechrau mabwysiadu dull arwain pwrpasol, yn seiliedig ar feithrin ymdeimlad uwch a chliriach ymhlith cydweithwyr o'u cyfraniad at yr hyn y mae eu hysgol yn ei wneud a pham. Canfu'r Tasglu fod pwrpas yn arwain nifer cynyddol o ysgolion busnes y DU a'u bod yn mynegi golwg glir ar eu cyfraniad i les y cyhoedd gan ddefnyddio hyn i arwain datblygiad ar draws pedwar prif faes gweithgaredd allweddol.

Mae'r adroddiad yn cynnig argymhellion ar sut y gall ysgolion busnes, ynghyd â myfyrwyr, llunwyr polisi a diwydiant, fynd ymhellach i sicrhau lles y cyhoedd i gymdeithas. Mae'r rhain yn cynnwys datganiad o bwrpas sy'n cynnwys rhanddeiliaid ac sy'n cyfleu ymdeimlad clir o les y cyhoedd; sefydlu swyddogaeth benodol i gydlynu cyflwyno pwrpas ar draws y pedwar prif faes gweithgaredd a nodwyd (addysgu, ymchwil, gweithrediadau ac ymgysylltu); ac adrodd ar gynnydd at gyflawni lles y cyhoedd.

Mae adroddiad newydd yn amlygu'r ffyrdd niferus ac amrywiol y mae ysgolion busnes yn cyflawni lles y cyhoedd drwy addysgu, ymchwil ac ymgysylltu.

Mae Tasglu Cymdeithas Siartredig yr Ysgolion Busnes (ABS) wedi cyhoeddi ei adroddiad ‘Business Schools and the Public Good’.

Cyd-gadeiryddion y Tasglu yw'r Athro Martin Kitchener, cyn Ddeon Ysgol Busnes Caerdydd, yr ysgol busnes gwerth cyhoeddus gyntaf yn y byd, a Tom Levitt, awdur ar gynaladwyedd busnes, ac mae'n cynnwys aelodau o gefndir academaidd, diwydiant a pholisi.

Sefydlwyd y Tasglu i ystyried sut mae ysgolion busnes yn deall ac yn cyflawni 'lles y cyhoedd', gyda'r nod o fapio agweddau at les y cyhoedd yn ysgolion busnes y DU; awgrymu ffyrdd o gefnogi lledaenu arferion addawol; ac ehangu'r naratif cyhoeddus ar bwrpas ysgolion busnes.

Ceir 20 astudiaeth achos o arferion addawol mewn ysgolion busnes yn yr adroddiad, gan gynnwys astudiaeth o Fwrdd Rheoli Cysgodol Ysgol Busnes Caerdydd. Daw'r dull blaengar hwn â chyfuniad o aelodau iau ac uwch o’r gyfadran a staff gwasanaethau proffesiynol o bob rhan o'r Ysgol at ei gilydd i ddatblygu strategaeth; craffu ar yr uwch dîm rheoli; hwyluso cyfranogiad mwy amrywiol ym mhrosesau penderfynu'r Ysgol; a chreu ffyrdd arloesol o wreiddio cyflwyno gwerth cyhoeddus ar draws gweithgareddau'r Ysgol.

Datgelodd yr adroddiad bod Ysgolion Busnes yn dechrau mabwysiadu dull arwain pwrpasol, yn seiliedig ar feithrin ymdeimlad uwch a chliriach ymhlith cydweithwyr o'u cyfraniad at yr hyn y mae eu hysgol yn ei wneud a pham. Canfu'r Tasglu fod pwrpas yn arwain nifer cynyddol o ysgolion busnes y DU a'u bod yn mynegi golwg glir ar eu cyfraniad i les y cyhoedd gan ddefnyddio hyn i arwain datblygiad ar draws pedwar prif faes gweithgaredd allweddol.

Mae'r adroddiad yn cynnig argymhellion ar sut y gall ysgolion busnes, ynghyd â myfyrwyr, llunwyr polisi a diwydiant, fynd ymhellach i sicrhau lles y cyhoedd i gymdeithas. Mae'r rhain yn cynnwys datganiad o bwrpas sy'n cynnwys rhanddeiliaid ac sy'n cyfleu ymdeimlad clir o les y cyhoedd; sefydlu swyddogaeth benodol i gydlynu cyflwyno pwrpas ar draws y pedwar prif faes gweithgaredd a nodwyd (addysgu, ymchwil, gweithrediadau ac ymgysylltu); ac adrodd ar gynnydd at gyflawni lles y cyhoedd.

Dywedodd yr Athro Calvin Jones, Dirprwy Ddeon Gwerth Cyhoeddus yn yr Ysgol Busnes: "Yn 2015, Ysgol Busnes Caerdydd oedd yr ysgol busnes gyntaf yn y byd i ganolbwyntio ar werth cyhoeddus. Ers hynny, mae ein hethos o gyflawni amcanion cymdeithasol yn ogystal ag economaidd, a'n ffocws ar ddod yn Ysgol sy'n amgylcheddol gyfrifol ac sy'n canolbwyntio ar bobl, wedi lliwio popeth a wnawn ar draws dysgu ac addysgu, ymchwil, ymgysylltu a'n llywodraethu ein hunain. Byddwn ni wrth ein bodd os bydd ein dull yn helpu'r sector yn fwy cyffredinol i ymgodymu â'r ffordd y mae'n mynd i'r afael â heriau cymdeithasol."

Darllen adroddiad terfynol y Tasglu.