Ewch i’r prif gynnwys
Yr Ysgol Meddygaeth

Meistr mewn Iechyd Cyhoeddus (MPH) Caerdydd

The Cardiff Master’s of Public Health (MPH)
The MPH was created to develop world-class leaders, many of whom are in influential roles in the UK and internationally.

MPH Dathlu 30 mlynedd o Droi Awch yn Arfer (1989 – 2019).

Gwnaeth Acheson ddiffinio iechyd cyhoeddus fel ‘y wyddor a’r grefft o atal clefydau, hwyhau bywyd a hybu iechyd drwy ymdrechion cyfundrefnol cymdeithas’. Drwy wasanaethau a gwaith ymchwil, mae iechyd cyhoeddus yn helpu i:

  1. Wella ansawdd a gwerth gwasanaethau gofal iechyd;
  2. Amddiffyn pobl rhag peryglon heintus ac amgylcheddol, sy’n amrywio o achosion a thrychinebau naturiol, i daclo’r newid yn yr hinsawdd, iechyd dynol ac iechyd y blaned;
  3. Atal clefydau cronig a hybu iechyd a lles drwy fynd i’r afael â ffactorau o ran ffordd o fyw, fel ymyriadau maeth, gweithgarwch corfforol ac ymddygiadol.

Gwnaeth Adroddiad Acheson, ynghyd ag argymhellion Siarter Ottawa arwain at greu gradd newydd: y Meistr mewn Iechyd Cyhoeddus (MPH) yn 1989. Roedd yn ymateb i’r angen am hyfforddiant amlddisgyblaethol ymhlith amrywiaeth o weithwyr iechyd cyhoeddus. Cafodd yr MPH ei chreu i ddatblygu arweinwyr penigamp, ac mae llawer o’r rhain mewn rolau dylanwadol yn y DU ac yn rhyngwladol.

MPH team.
MPH team: Left to right in the photo: Christopher Potter; Behrooz Behbod; Hannah Broughton; Gaynor Looker; Cono Ariti. Not pictured: Andrea James.

Mae myfyrwyr yr MPH yng Nghaerdydd yn dysgu gan arbenigwyr mewn gwaith ymchwil ac ymarfer iechyd cyhoeddus. Mae modiwlau annibynnol ar gael i unrhyw ymgeisydd cymwys. Gall israddedigion meddygol astudio modiwlau mewn Diogelu Iechyd a Gwella Iechyd ochr yn ochr â myfyrwyr yr MPH, fel rhan o’u Gradd Gynhwysol mewn Meddygaeth Poblogaeth.

Mae myfyrwyr yn dysgu mewn lleoliad amlddisgyblaethol. Mae’r holl bartneriaid allweddol, gan gynnwys Iechyd Cyhoeddus Cymru, y Gwasanaeth Iechyd Gwladol, Llywodraeth Cymru ac Ysgolion Meddygaeth, Busnes, Peirianneg, Cyfraith, Gwleidyddiaeth a Newyddiaduraeth Prifysgol Caerdydd mewn un ddinas. Mae Caerdydd yn eich galluogi i gael yr wybodaeth a’r sgiliau sydd eu hangen arnoch i weithio mewn unrhyw ran o’r byd!

A ydych chi’n gynfyfyriwr o’r MPH?

Hoffem gysylltu â’n cynfyfyrwyr MPH a meithrin cydberthynas barhaus â phob un ohonoch. Treuliwch ychydig o amser yn ateb rhai cwestiynau.

“Mae llawer ohonom eisiau gwneud gwahaniaeth yn y byd rydym yn byw ynddo, i helpu pobl i fyw bywydau iachach a hapusach. Mae Cynllun newydd Hirdymor y GIG wedi amlygu’r angen i ganolbwyntio ar atal. Mae’r problemau rydym yn eu hwynebu yn gofyn am ddatrysiadau arloesol ac aml-adrannol, a hwylusir gan safbwynt iechyd cyhoeddus.”

Dr Behrooz Behbod MPH Programme Director

Dyma fersiwn fyrrach o'r erthygl lawn oedd yn rhifyn 31 o ReMEDy.

Darllenwch yr erthygl lawn

ReMEDy Rhifyn 31

Cymerwch gip i weld beth rydym wedi bod yn ei wneud.

Lawrlwytho'r ddogfen (PDF, 2.1 MB)

Os na all eich meddalwedd gynorthwyol ddarllen y ddogfen hon, gallwch chi ofyn am fersiwn hygyrch drwy ebostio web@caerdydd.ac.uk. Cynhwyswch yr adnoddau cynorthwyol a ddefnyddiwch chi a’r fformat sydd ei angen arnoch.