Dwyieithrwydd Plant: beth ydyn ni'n ei wybod? Sut mae cael rhagor o wybodaeth?

Mae'r digwyddiad hwn wedi dod i ben

Beth sy’n cael ei gynnig? 

Sgwrs ryngweithiol a gweithgareddau gan y Labordy Dwyieithrwydd Plant: bydd y sawl sy’n mynychu yn cael clywed am ein hymchwil diweddaraf mewn sgwrs dwyieithog, ac yn cael cyfle i roi cynnig ar dasgau a gemau.   

Am beth mae'r digwyddiad? 

Oeddech chi'n gwybod bod dysgu dwy iaith yn gallu gwella sgiliau gwybyddol plant? Neu fod plant ag anableddau datblygiadol yn gallu dysgu Cymraeg a Saesneg heb anawsterau iaith ychwanegol? Mae’r Labordy Dwyieithrwydd Plant yn ymchwilio i sgiliau iaith a sgiliau meddwl plant dwyieithog, gan ganolbwyntio ar ddwyieithrwydd Cymraeg-Saesneg. 

Trwy fynychu'r digwyddiad hwn, bydd y sawl sy’n mynychu’n cael profiad ymarferol o ddefnyddio offerynnau a gwneud gweithgareddau arbenigol. Byddant hefyd yn dysgu am sut mae sgiliau iaith a sgiliau meddwl yn datblygu mewn plant sy'n dod i gysylltiad â dwy iaith, gan gynnwys plant ag anableddau datblygiadol megis syndrom Rett a syndrom Down. 

 Pwy sy'n arwain y digwyddiad? 

Bydd y digwyddiadau yn cael eu cynnal gan y Labordy Dwyieithrwydd Plant: Dr Eirini Sanoudaki, Dr Athanasia Papastergiou (Ysgol Iaith, Diwylliant a’r Celfyddydau, Prifysgol Bangor), Dr Rebecca Ward (Ysgol Seicoleg, Prifysgol Abertawe) a myfyrwyr Doethurol Prifysgol Bangor Bethan Collins, Rebecca Day a Felicity Parry. 

I bwy mae'r digwyddiad? 

Mae'r digwyddiad wedi'i anelu at oedolion a phobl ifanc, ond mae croeso i blant a theuluoedd fynychu. 

O ddiddordeb i 

Bydd y digwyddiad o ddiddordeb arbennig i rieni, athrawon a gweithwyr proffesiynol sy'n gweithio gyda phlant. Mae croeso hefyd i unrhyw un sydd â diddordeb mewn datblygiad iaith ac ieithoedd. Bydd yn arbennig o berthnasol i gynulleidfaoedd Cymraeg. 

Digwyddiadau yn y gyfres hon

ESRC Festival of Social Science

• Gweld pob digwyddiad yn y gyfres hon