Tymor llosgi’r Amazon 2020: heriau a chyfleoedd gydag adnodd newydd ar gyfer monitro tanau mewn amser real bron.

Mae'r digwyddiad hwn wedi dod i ben

Yr Amazon yw'r goedwig drofannol fwyaf ar y Ddaear ac mae'n hanfodol ar gyfer rheoleiddio’r hinsawdd, storio carbon, a chadwraeth bioamrywiaeth. Sbardunodd gweithgarwch tân eithriadol yn 2019 bryderon eang ynghylch cadwraeth coedwig yr Amazon. Serch hynny, roedd yr anallu i wahanu’r canfyddiadau o danau gan loerenni yn ôl eu math yn rhwystro’r ymdrechion i ddiffodd y tanau a gwneud asesiadau cyflym o’r effeithiau ar yr ecosystem ac ar ansawdd yr aer.

Rydym wedi datblygu dull newydd o lenwi'r bwlch data critigol hwn ar gyfraniad cymharol gan wahanol fathau o dân i gyfanswm gweithgarwch tân yr Amazon drwy ddefnyddio algorithm newydd i olrhain a dosbarthu tanau unigol mewn amser agos at amser real.

Ym mis Medi, nodwyd bod 2020 wedi bod yn waeth na 2019 o ran gweithgarwch tân yn ne’r Amazon, y waethaf ers dechrau ein cyfres yn 2012. Tanau datgoedwigo oedd yn gyfrifol am >40% o’r tanau a ganfuwyd yn ne’r Amazon yn 2020, ond roedd tanau isdyfiant coedwigoedd yn nhaleithiau Mato Gross a Pará ym Mrasil hefyd yn cynyddu tuag at ddiwedd y tymor llosgi. Byddaf yn defnyddio ein set ddata newydd i drafod tueddiadau tymor hir mewn gweithgarwch tân, tynnu sylw at eithafion rhanbarthol yn ystod tymor tân 2020, ac archwilio cyfleoedd sy'n codi o'n dull newydd o fonitro a rheoli tanau ar draws basn yr Amazon.  

Gwelwch y data yma: https://globalfiredata.org/pages/amazon-dashboard/