Gweithiwch gyda ni

Rydym yn croesawu cyfleoedd i gydweithio gyda phartneriaid ac ymchwilwyr newydd.

Partneriaid llywodraeth, diwydiant a chyrff anllywodraethol

Mae'r Arsyllfa'n cael ei defnyddio at ddibenion ymchwil rhanddeiliaid dŵr a defnydd tir sylweddol. Er enghraifft, rydym yn ffynhonnell cyngor polisi allweddol i Gyfoeth Naturiol Cymru am adfer o asideiddio, lliniaru, (ee. drwy ddefnyddio calch) a defnydd tir.  Mae'r safleoedd Llyn Brianne yn cynrychioli'r holl ddefnyddiau allweddol o'r tir yn ucheldiroedd Cymru, yn cynnwys conwydd, tir pori defaid a choetir collddail. Maent felly yn cynnig mynegai gwerthfawr am y newid yn yr amgylchedd ehangach.

Rydym yn croesawu trafodaethau gyda phartneriaid ymchwil newydd. Cysylltwch â ni drwy ddefnyddio'r manylion cyswllt isod.

Cyfleoedd hyfforddiant ymchwil

Bob blwyddyn, mae'r Arsyllfa'n cynnal nifer o brosiectau ymchwil, o israddedigion i gymrodorion ôl-ddoethurol. Mae llawer wedi mynd ymlaen i weithio i gwmnïau uchel eu parch yn cynnwys APEM Ltd, Natural England a phrifysgolion.

Mae rhai wedi cynhyrchu papurau ymchwil Saesneg a ddyfynnwyd yn eang:

• D. C. Bradley, S. J. Ormerod (2001). Community persistence among upland stream invertebrates tracks the North Atlantic Oscillation. Journal of Animal Ecology, 70, 987-996
• I. Petersen, Z.  Masters, A. G. Hildrew, S. J. Ormerod (2004). Dispersal of adult aquatic insects in catchments of differing land use. Journal of Applied Ecology, 41, 934-950
• R. A. Kowalik, D.M. Cooper, C. M. Evans & S. J. Ormerod (2007) Acid episodes retard the biological recovery of upland British streams from acidification. Global Change Biology. 13, 2439–2452.

Os oes diddordeb gennych i wneud gwaith ymchwil yn Arsyllfa Llyn Brianne, cysylltwch â ni.

Ein data

Lle'n addas, bydd data ar gael drwy'r EIDC, Cyngor Ymchwil yr Amgylchedd Naturiol (NERC), canolfan data a gynhelir gan y Ganolfan Ecoleg ac Hydroleg (CEH). Cysylltwch os hoffech ddefnyddio setiau data eraill.