Lleoliadau ymchwil ar gael dros yr haf

Mae Mannau Cynaliadwy yn falch iawn o allu cynnig cyfle i chwe myfyriwr israddedig o Brifysgol Caerdydd gael lleoliad ymchwil yn yr Athrofa yn ystod yr haf.

Bydd y myfyrwyr yn cefnogi gwaith ein Cymdeithion Ymchwil a’n Cymrodyr Ymchwil yn rhan o gynllun CUROP Prifysgol Caerdydd (Lleoliadau Cyfleoedd Ymchwil Prifysgol Caerdydd).

Mae Rhaglen CUROP yn cynnig lleoliadau dros yr haf i israddedigion Prifysgol Caerdydd yn amgylchedd ymchwil y Brifysgol, gan weithio o dan oruchwyliaeth ar brosiectau ymchwil wedi’u pennu gan staff.

Dyma’r lleoliadau ymchwil sydd ar gael:

• SeagrassSpotter: dadansoddiad o gyfleuster monitro morwellt byd-eang, o dan oruchwyliaeth Leanne Cullen-Unsworth
• Ymchwilio i oblygiadau economaidd-gymdeithasol ac ecolegol Fferi Bae Caerfyrddin, o dan oruchwyliaeth Dr Leanne Cullen-Unsworth
• Os yw coeden yn cwympo... Deall ymatebion cymunedol i afiechydon coedwigol a gwaredu, o dan oruchwyliaeth Dr Hannah Pitt
• Lle i iechyd dynol a chynhwysiant cymdeithasol mewn Parc Cenedlaethol?: Gwerthuso rhaglen, o dan oruchwyliaeth Dr Sara Macbride-Stewart
• Effaith safonau cynaliadwyedd ar lles amgylcheddol a dynol, o dan oruchwyliaeth Dr Angelina Sanderson-Bellamy
• Adeiladu dinas gynaliadwy a theg drwy gyfrwng bwyd: achos Caerdydd, o dan oruchwyliaeth Dr Ana Moragues-Faus

Mae prosiectau CUROP yn cynnig cyfleoedd unigryw i fyfyrwyr gael blas ar ymchwil fyw, gwella’u sgiliau academaidd a gwneud penderfyniad mwy gwybodus ynghylch ymchwilio ymhellach ar lefel ôl-raddedig.

Ar gyfer ymchwilwyr, gallai ysgolheigion CUROP gyfrannu’n sylweddol at ddechrau a dilyniant prosiectau ymchwil a chynnig staff ychwanegol gwerthfawr yn ystod yr haf.

Ar ddiwedd yr haf, bydd yr holl fyfyrwyr CUROP ar draws y Brifysgol yn dod ynghyd am ddiwrnod i arddangos posteri eu hymchwil, gan rannu profiadau a rhannu canfyddiadau eu hymchwil i gynulleidfa'r Brifysgol.